ENQERE 

Cîgira Hevserokên Giştî ya HDP'ê Meral Daniş Beştaş derbarê êrîşa li hemberî endamê MP'ê yê HDP'ê Ahmet Karataş de got ku her tişt li holê ye û wiha dom kir: "Delîlên heyî zelal in, dikarin di demek kurt de êrîşkar bigirin." Beştaş destnîşan kir ku di serî de serokomar û serokwezîr û rayedarên hikumetê partiya wan hedef digirin û ev yek rê li ber êrîşan vedike.

Beştaş piştî çû avahiya Enqereyê û li wir lêkolîn kir derbarê bûyerê axivî û got: "Piştî êrîşê ligel endamên me yên MP û LRN'ê em hatin cihê bûyerê. Em li cihê bûyerê geriyan û me dît ku hemû delîl li ber çavan in. Lê nerast e ku en van hemû tiştan li vir vebêjin." 

Beştaş destnîşan kir ku ew hemû delîlên bûyerê bi baldarî şopandine û wiha dom kir: "Ji ber ku li vî welatî di hewldanên cinayetê û komkujiyan de bê çawa delîl tên windakirin me bi çavên xwe dîtine."

'Bi delîlên heyî êrîşkar dikare di demeke kin de bê girtin'

Beştaş destnîşan kir ku Karataş dê bê emeliyetkirin. Beştaş qala gotinên bi nakokî kir û wiha berdewam kir: "Tê gotin rewşa wî krîtîk e, carna jî tê gotin ber bi başiyê ve diçe. 7 darbeyên kêrê hene. Li avahiya me li hundirê odeyan, li asansorê û pêlikan şopên xwînê hene. Di serî de serokomar û serokwezîr, rayedarên din ên hikumetê demeke dirêj e li dijî me kampanyaya lîncê didin meşandin. Herî dawî duh Serokomar gotina 'ez encaman naxwazim bifikirim' bi kar anî, gelo ev yek qest kir."

Beştaş anî ziman ku êrîşkar dikare bê girtin, ji ber ku delîl pir zelal in. Beştaş got ku ji sekreter telefona partiyê tê xwestin. Li ser pirsa rojnamegeran a "Kesê ku rastî êrîşê hat gelo berê hatibû tehdîtkirin" bersiva "partiya me her roj ji aliyê rayedaran ve tê tehdîtkirin" da. 

HDP'ê dê daxuyaniyê bide

Sekna endamên partiyê ya li ber nexweşxane û avahiya partiyê didome. Li bendê ye ku rêveberên HDP'ê piştî komcivîna ya li meclisê têkîldarî mijarê daxuyaniyê bidin.

**

Nûçeya eleqedar:

- Endamê MP yê HDP'ê bi kêran birîndar kirin