Diyarname

Nûnerê Taybetê ê Sûriyê yê Neteweyên Yekbûyî (NY) Staffan de Mistura bang li Tirkiyeyê kir ku kesên dixwazin ji bo parastina Kobanî vegerin Kobanî rê bidin bila herin.

Li gor nûçeyên AFP û Reutersê Mistura li Cenewreyê civîneke çapemeniyê li dar xist û got ku li Kobanî hê li dor 500 - 700 kesên sivîl ên extiyar hene.

Mistura wisa gotiye: "Em ji rayedarên Tirkiyeyê dixwazin ku kesên penaber ên bixwazin bajar biparêzin bila rê bide wan ku herin biparêzin." Dîsa Mistura rewşa koalîsyonê jî wisa gotiye: "Rê bidin hêzên koalîsyonê ku bila ji ser axa Tirkiyeyê re çalakiyên li hemberî DAIŞ'ê ên wan çavtirsandî bikin. Divê her kes ji bo pêşî li vê komkujiya li KObanî bigire çi ji dest tê bike."

Nûnerê NYA'ê di civînê de nexşeyeke Kobanî jî nîşanî rojnamegeran daye û gotiye ku ger Kobanî bikev destê DAIŞ'ê bi îhtîmaleke mezin dê ev sivîl bêne qetilkirin.

AFP'ê jî di nûçeya xwe de li ser vê yekê şiroveyeke wisa kiriye: "NY di pevçûnan de bi giştî bêalî disekine lê vê carê berevajî vê yekê ketiye nav tevgerê" û ev yek lê zêde kiriye: "Misture bangeke cuda ji bo Kobaniya ku li ciheke gelek girîng e kiriye."