Diyarname

Nadime Gordimer nivîskarek, têkoşer bû. Jiyana xwe ya 90 salan wisa derbas kir.

Nadine Gordimer ji bo gelê Başûrê Afrîkayê têkoşiya, li hemberî rejima Apartheid ber xwe da, gelke pirtûk nivîsîn û weşandin û di dawiyê de, di 90 saliyaxwe de xatir ji vê dinyayê xwest.

Gordimer di sala 1923'yan de li Başûrê Afrîkayê hate dinê. Di jiyana xwe de gelek pirtûk nivîsîn, her wiha jiyana wê bi têkoşînê derbas bû û meha borî, roja 13'yê tîrmeha 2014'an wefat kir.

Di jiyana wê de ligel têkoşînê gelek xelat jî hene. Wê di sala 1974'an de Xelata Man Booker û di sala 1991'ê de jî Xelata Nobelê ya Wêjeyê girt. Juriya Nobelê xelatdayîna wê bi gotina "Nivîskara epîk a bi heybet" eşkere kir.

Nadine Gordimer di nivîsên xwe de her qala azadî kir. Ew endama Kongreya Neteweyî ya Afrîkayê bû, li hemberî rejima Apartheid ber xwe da. Di jiyana xwwe de gelek gotar, ceribandin nivîsin û ligel nivîsên xwe bi helwesta xwe ya li dijî nijadperestiyê jî rastî hurmet û hezkirineke mezin hat.

Hin pirtûkên wê li Tirkiyeyê bi navê "Başka Dunyalar", "Yaşamaya Bak", "Oglumun Oykusu", "July'in İnsanlari", "Evdeki Silah", "Kimi Guzelliklere Dogar", "Yanimda Kimse Yok" li tirkî hatin wergerandin û weşandin.

Foto: Ulf Andersen (The Guardin)