Diyarname

Komeleya Mafên Mirovan (ÎHD) heta niha ev 8 sal in li Bedlîsê xebatên li ser mafên mirovan dikir lê şaxeke wê li vî bajarî tune bû. ÎHD'ê niha li Bedlîsê şaxa xwe vekir.

Di encama xebata Navenda Giştî ya ÎHD'ê û xebata Nûneriya Herêmê ya ÎHD'ê de li Bedlîsê jî şaxa ÎHD'ê hate vekirin. Ew dibêjin li Bedlîsa ku binpêkirina mafên mirovan zêde bûye ewê li ser vê xalê xebatên xwe gur bikin.

Seval Karaçelik, Mimar Onal, Tahir Mete, Bakir Yazi, Dilan Kanat, Metin Şimşek, Guven Yaprak wekî 7 kesên avakar ên Şaxa ÎHD'ya Bedlîsê cih girtin û piştî 6 mehan dê kongreya xwe saz bikin.