Diyarname

OSP (Partiya Azadî û Sosyalîzmê) ku ew bi xwe jî kurd in daxuxaniyeke weşandiye û gotiye ku ew dê neçin cem sindoqê! Kurtedemek berê Serokê Partiya Demokrata Kurdistanê ya Tirkiyeyê Sertaç Bucak* gotibû ewê dengê xwe nedin Demirtaş, ewê bidin Erdogan, vê carê OSP'ê bi daxuyaniyeke helwesta xwe eşkere kir.

OSP'ê di daxuyaniyê de dibêje ku ew bang li gelê welatparêz dikin ku neçin cem sindoqan û deng bikar neynin. Vaye daxuyaniya "Di mijara berendametiya rêzdar Demîrtaşê berendamê HDP-ê de jî:

Ji ber ku em wek proje HDP-ê rast nabînin,

Ji ber ku siyaseta HDP-ê ya li ser kurdistanê bi pirsgirêk in û em nikarin biparêzin,

Ji ber ku di vê qonaxa Iraq li ber parçebûnê ye û li ser Kurdistana serbixwe nîqaş tên kirin de, HDP bi çargavan siyaseta Tirkiyebûnê dimeşîne,

Demîrtaş di tûra pêşîn de rayeke bilind bigre jî, ji ber damara neteweperest ya di nav AKP û li derveyî wê ya girseya Erdogan, ew ê berê xwe nede tifaqê û pê re bazariyekê neke û hêviyên wan ên li ser vê mijarê vala derkevin. Ji ber wê em bang li gelê xwe yê welatparêz dikin, bila neçin ser sindoqê!"

Wekî notek: OSP qala polîtîkaya parçebûna Iraqê û serxwebûna Kurdistanê jî dike, lê qet guh nade ku di vî warî de gotinên Demirtaş** gelek zelal in û mafê parastina "Her gel xwedî wî mafî ye ku çarenusa xwe bi xwe tayîn bike" diparêze. 

*Sekreterê Partiya Kurdistanê dengê xwe dide Erdogan!

** Demîrtaş: Li ser sînorê Tirkiyeyê Kurdistanek bê avakirin emê vê girîng bibînin