Diyarname

Ciwanê ji rojavayê Kurdistanê yê bi navê Mewlût Necîz Hecî Yunus ku li ser sînorê Deriye Sêmalka ji aliye pêşmergeyên PDK’ê ve hat kuştin li Dêrikê bi merasîmekî cenazeyê wî hat definkirin. Bi sedan kes oxir li Yunus kir.

Cenazeyê Yunus ku ji Nexweşxaneya Dêrikê bi karwanekî hat girtin û birin Goristana Şehîd Xebat. Di merasîma ku piştî deqeyek rêzgirtinê dest pê kir li ser navê Yekîtiya Star û TEV-DEM’ê axaftin hatin kirin. Zelal Ceger ku li ser navê Yekîtiya Star axivî got ku PDK bi kolana xendekên li ser sînor re siyasetekî qirêj dimeşîne û wiha got: “Tenê xendek nayên kolan, di heman demê de li gelê Rojava jî zilm tê kirin û tên qetil kirin. Lê çi dikin bila bikin, wê nekaribin gelê kurd parçe bikin.”

Li ser navê malbata Yunus apê wî Hemze Remedan ku axivî wiha got: “Îradeya gelê kurd a ku bi ramanên Rêber Apo pêkhatiye, wê tu destekî îxanetê nekaribe bişkîne. Emê heya dilopa dawiya xwîna xwe li ser şopa şehîdan bimeşin û emê vê tekoşînê hîn jî mezin bikin.”

Piştî axaftinan cenazeye Yunus li gel bilindkirina diruşman hate defin kirin.

ANHA