Diyarname

Tîmek bifikirin di lîga xwe de hê wê 7 hefte ji bo bidawîhatina lîgê hebe û dê bi awayekî matematîkî şampiyoniya xwe îlan bike...

Em qala Bayer Muniha Almanyayê dikin. Bayer Munih roja 25'ê adarê bi Herta Berlin re lîst û bi 3-1 bi ser ket. Bi vê serketinê pûanên xwe derxist 77'an. Tîma di rêza duyemîn de Borissa Dortmund di 52'yan de ye. Yanê tam 25 pûan ferq heye ku hê ji bo dawîlêhatina lîgê 7 hefte hene. Bayer Munih bi vê tenê nema, pêre rekarên xwe jî şikandin. Vane hin ji wan:

- Bayer Munih par di hefteya 28'an de şampiyoniya xwe îlan kiribû, îsal di hefteya 27'an de şampiyoniya xwe îlan kir.

- Ev 19 heftene ser hevde bi ser dikeve. Û ev 52 heftene têk naçe. Bi vê têkneçûnê jî rekora xwe pêş xist.

- Piraniya maçên wê bi avêtina gelek golan bi dawî dibe. Ji îsal hin mînak bi vî awayî ne: "Vfl Wolfsburg - Bayern Münih: 1-6", "Bayern Munih - Schalke 04: 5-1", "Hannore - BMunih: 0-4", "B.Muhin - Freiburg: 4-0", "B.Munih - Eintracht Frankfurt: 5-0", "Werder Bremen - BMunih: 0-7", "BMunih - Mainz: 4-1", "Shalke 04 -BMunih: 0-4" û hwd.

Û çend agahî li ser tîm:

Teknîk Dîrektorê katala Josep Guardiola îsal hat ser kar û bû şampiyon jî.  Tîma Bavyera Bayer Munih di sala 1900'î de hatiye avakirin. Heta niha 2 jê Kûpaya Navparzenînan, yek Kûpaya Klûbên Dinyayê FÎFA, 5 Şampiyoniya Lîga Şampiyanon a Ewropayê, yek Şampiyoniya  Kûpaya UEFA û yek jî Kûpaya Super a UEFA girtiye. Bayer Munih li nava Almanyayê jî 23 caran bûye şampiyon û her wiha 16 caran jî Kûpaya Alman biriye mala xwe. Ew li Almanyayê klûba herî serketiye. Bayern Munih bi 185 hezar endamên xew piştî SL Benfica û FC BArselona di rêza 3'yemîn de ye. Her wiha tîmên kişik, hentbol, bastekbol, jîmnastîk, bowling û tesîna ser masê yên Bayer Munihê jî hene. 

Klûba Bayer bi 368 mîlyon û 400 hezar Euro qezenca xwe li Almanyayê klûba herî mezin e û li dinyayê jî çaremîn tîma herî mezin e ku ew qas pere kar dike.

Û nota dawî: Herhal nezer li Bayer Munih ket ku piştî 25'ê adarê şampiyoniya xwe ragihand, di maça hefteya 28'an ku roja 29'ê mehê li mala xwe bi Tsg Hoffenheim re lîst bi 3-3 wek hev ma.