Diyarname

Ji bo 25 saliya nivîskariya Helîm Yûsiv piştî Stenbolê vê carê li Amed û Mêrdinê çalakî lidar dikeve.

Nivîskarê kurd û qunciknivîskarê malpera me Diyarnameyê Helîm Yûsiv ev 25 sal in bi nivîsê re eleqedar e, berhemên xwe yên çîrok û romanan pêşkêşî xwendevanên kurdî dike. Di vê 25 saliya wî de ew tevî pirtûkên xwe yên berê bi çapên nû û bi pirtûkên nû beşdarî Weşanên Peywendê bû. Ji bo 25 saliya nivîskariya Helîm Yûsiv malpera me Diyarname û Weşanên Peywendê, bi piştgiriya Şêwra Xwendinê jî li Stenbolê, li Weqfa Îsmaîl Beşîkçî ji bo wî çalakiyeke li dar xist. Di çalakiya ku êvara 25'ê vê mehê li dar ket de eleqeyeke baş hebû û salon tije bû. Di şevê de Helîm Yûsiv qala nivîskariya xwe, serdemên nivîskariya xwe kir û piştî gotûbêjî jî kokteylek biçûk li dar ket. Her wiha Yûsiv pirtûkên xwe jî ji bo xwendevanên xwe îmze kirin.

Di gava duyem û sêyem a çakaliyên 25 saliya nivîskariya Helîm Yûsiv de, Yûsiv li Amedê û Mêrdînê dê derkeve pêşberî xwendevanên xwe.

Çalakiya li Amedê wê li Salona Şaredariya Bajarê û ya li Mêrdînê jî wê li Zanîngeha Artuklu li dar bikeve.

Vane dîrok û cihên li darketine çalakiyan:

Amed:

Dîrok 28.12.2013, Saet, 13.30

Cih: Salona Şaredariya Bajarê Mezin a Amedê

Mêrdîn

Dîrok: 02.01.2014, Saet 13.30

Cih: Salona Vali Koçaklar a Rektoriya Zanîngeha Artuklu ya Mêrdînê.