Diyarname
Galaya belgefîlmê Cemil Oguz "Mazgal" êvara 11'ê mehê bi coş li Garajistanbula Beyogluya Stenbolê li dar ket.
Mebûsa BDP'ê ya Stenbolê Sehabat Tuncel, Endamê Meclisa Partiyê yê BDP'ê Roşan Şaban Işiktaş, Serokê Enstîtuya Kurdî ya Stenbolê Zana Farqînî, Serokê Lijneya Rêveberiya Weqfa Îsmail Beşîkçî Îbrahîm Gurbuz, Weşanger Ahmet Onal, Weşanger Mevlüt Aykoç, Şair û Resam M. Zahir Kayan xwediyê kovara Kurt Tarihi Davut Özalp, derhêner Murat Bayramoglu û bi sedan kesên din beşdarî galaya Mazgal bûn.
Piştî kokteylê belgefîlmê 49 deqîqeyî hat nîşandayîn û axaftin hatin kirin. Mebûsa BDP'ê Sebahat Tuncel di axaftina xwe de ji ber xebata Oguz ew pîroz kir, got ji ser bûyerê re ew qas sal derbas bûne hê jî kes nehatiye cezakirin. Tuncel got dema mesele kuştina kurdan be li Tirkiyeyê doz nameşin, kes nayê cezakirin û diyar kir ku heta daxwaza kesên jiyana xwe ji dest dane bînin cih dê têkoşîna xwe bidomînin. Her wiha Tuncel got ku heta azadiyê dê ji bo cangoriyan berxwedana xwe bidomînin, tiştê herî bi wate ji bo van kesên jiyana xwe ji dest dane jî bilindkirina têkoşînê ye.
Oguz jî sipasî ji bo her kesê hatine galayê kir û got ku heta niha her paketên vala têne vekirin, lê bila vê carê paketên lêborînêxwestinê bêne vekirin, bila ji van, ji bo kesên heta niha hatine kuştin lêborîn bê xwestin.
Piştî Oguz bersiva hin pirsên mêvanan da gala bi dawî bû.
Duyemîn belgefîlmê Cemil Oguz "Mazgal" li ser kuştina 10 girtiyên kurd ên li girtîgeha Amedê hatiye kişandin. Di 24.09.1996'an de polîs, leşker û gardiyanan li korÎdorên girtîgehê êrîşê girtiyên kurd ku diçûn hevdîtina malbatan kir, li wê derê 9 kes bi lêdanê hatin kuştin û yên din jî birîndar bûn. Beyî wan bibin nexweşxaneyê ew şandin sirgûn, yek ji wan jî li rê mir. Mazgal bûyerê careke din bibîr tîne û ji gelek aliyan ve bûyerê ronî dike.
Kunyeya belgefîlm:
Nav: MAZGAL
Senaryo û derhêner: Cemil Oguz
Vesazkirin: Memet Dalmaz, Cemil Oguz
Kamera: Erdal Qirix, Erhan Yildiz, Ubeydullah Hakan
Yên axivîne: Mehmet Pehlivan, Yavuz Eken, Surreya Tekin, Sezgin Tanrikulu
Muzîk: Tara Caff "Ruhî Rewan"
Tebeşîr foto: Mehmet Oguz
Dengdayîn: Fethullah Ozmen, Bedel Boselî, Cemil Oguz, Marîn Rehmanî, Helîm Şûjinkî Macit, SametKardaş
Ziman: Kurdî (kurmancî-kirmanckî) û Tirkî
Mawe: 49 deqe
Sala kişandinê: 2013
Foto: İhsan Kaçar
***
Nûçeya eleqdar;
- 'Mazgal' li Stenbolê tê nîşandayîn