Diyarname
8'emîn Konferansa Mamosteyên Kurdî dawiya vê mehê li dar dikeve. Mamoste dê li ser pirsgirêkên pêşvebirina kurdî biaxivin.

Mamosteyên kurd li Swêdê li hev dicivin û nîqaşan dikin. Vê carê de 8'emîn konferansa wan li dar bikev Konferansa ku wê rojên 30 û 31'ê gulanê li dar bikeve, roja 30'ê gulanê saet 13.00'an de wê dest pê bike.

Bi hevkarîya Skolverketê - Dayreya Giştî ya Xwendegehan û Şaredarîya Västeråsê (Vesteros) konferansa mamosteyan li Otêla Ta înnê li Swêdê li bajarê Västeråsê li dar dikeve.

Ji 18 şaredariyên Swêdê, 50 mamosteyên kurdî û rêvebirên dibistanan beşdarê konferansê dibin. Her wiha Skolverket-Dayreya Giştî ya Dibistanan jî dê ji aliyê muşawîr Mats Wennerholm ve bê temsîlkirin.

Konferans wê bi axaftinên xêrhatinê yên midûra Navenda duzimanî ya Şaredarîya Västeråsê Mia Lindh û seroka
encumena dibistanan Vasiliki Tsouplaki ve dest pê bike û konferans wê roja 31'ê gulanê saet di 15.00'an de bi dawî bibe.

Çend xalên programa konferansê: 
• Xebata Daîreya giştî ya Xwendegehan (Skolverket) ya ji bo şagirtên pirzimanî
• Di pêşdibistanê de perwerdeya pirzimanî
• Di pêşxistina nasname û zimanê zarokan de rola dayik û bavan
• Nasandina mînakên serketî yên pedagojîk yên ji xebata pedagojîk ya rojane
• Rewşa zimanê kurdî ya li başûrê Kurdistanê û qanûn û planên pêwîst
• Nasandina materyalên dersê yên nû
• Di navbera mamosteyên zimanê zikmakî û mamosteyên sinifan de modeleke hevkarîyê

Zimanê konferansê kurdî û Swêdî ye.

Li Swêdê li derdora 80 hezar kurd dijîn. Hejmara zarok û ciwanên kurd ku beşdarî perwerdeya zimanê zikmakî dibin li derdora 11 hezaran e. Li bajarê Västeråsê 500 zarok û ciwanên kurd beşdarê perwerdeya kurdî dibin.

Ji bo agahdariyên pirtir:
www.dibistanakurdi.com
www.vasteras.se/sf2