Diyarname
Kovara Dîwar ku hejmara xwe ya 5'an derxistiye di vê hejmarê de Mijara Sereke li ser "Li derveyî welat radyo û bernameyên bi kurdî" amade kiriye.
Kovara Dîwar wekî kovareke mehane bi kurdî weşanê dike.Kovara wejeyî û çandî ya mehane hejmara xwe ya gulanê, hejmara 5'an çendek berê ragihand ber destên xwendevanên xwe. Kovara ku di her hejmarê de mijareke wekî Mijara Sereke digire dest di vê hejmara xwe de li ser radyoyên ku li derveyî welat bi kurdî weşanê dikin û bernameyên bi kurdî çêdikin amade kiriye.
Ronî Ardil, Şahîn B. Sorekli, Medenî Ferho, Agirî Soran, Temûrê Xelîl, Mistefa Xelîl û Necîb Balayî li ser mejarê nivîs nivîsandine. Ji radyoya Yêrîvanê bigire heta Radyo WDR, Radyo Aştî, ji Radyo SBS bigire heta Dengê Mezopotamya, ji wî bigire heta Radyo FM 2000, heta Radyo Dunya û hinên din li ser radyoyan, bernameyên wan ên bi kurdî nivîs hatine weşandin.
Ji bilî mijara sereke nivîsên çand, wêje, helbest û hevpeyvîn cih girtine. Hevpeyvîna vê mehê ji aliyê Zinarê Ednanê Melleyî ve bi hunermend Hesen Şerîf re hatiye kirin ku Şerîf albuma xwe ya nû pêşkêy kiriye.
Ji gotaran, Mesûd Serfiraz li ser sedsaliya kovara Rojî Kurd û Omer Dilsoz jî "Di romanê de detpêk“ nivîsiye
Her wiha çîrok, helbest, çand û portreya mehê, digel nasandina pirtûkan di kovarê de li benda xwendevanan e.
Ji bo agahiyên berfirehtir: www.kovaradiwar.com