Diyarname
Weşanên Avesta ku du pirtûkên li ser Wedat Aydin derxistibû niha pêşangeha wêneyan a ji wêneyên Aydin pêk tê vedike.

Pêşangeh bi navê “Dozek Dewranek Lehengek: Wedat Aydin” roja 31’ê adarê li Salona Konferansê ya Midûriyeta Beşa Çandê ya Hunerê ya Şaredariya Bajarê Mezin a Amedê li dardikeve.
Avesta biryar daye ku piştî Amedê pêşangehê li bajarên din ên Kurdistanê û li Ewropayê jî lidar bixe.

Wedat Aydin kî ye?

Wedat Aydin di sala 1954’an de li gundê Haciya Kurda ya Bismilê hatiye dinê. Li gundê xwe dest bi xwendinê kiriye, bi dorê li Bismilê, Farqînê, Amedê û Qoserê xwendina xwe ya navîn û lîse qedandiye û dîsa li Diyarbekrê dawî li xwendina xwe ya bilind aniye. Wedat Aydin mamoste bû lê demeke pir kurt mamostetî kiriye.
Aydin ji ciwaniya xwe û pê ve di nava tevgera neteweyî de bûye û bi taybetî di dema xwendina Enstîtûya Perwerdehiyê  de wekî pêşengekî tevgera ciwanan derketiye pêş. Wedat Aydin piştî darbeya 12’ê Rezberê wekî gelek çalakvanên demê tê girtin û rastî îşkenceyên giran tê.
Aydin piştî ji zindanê dertê dîsa di nava têkoşînê de cih digire. Ew di destpêka salên 90’î de li Enqereyê di Kongreya ÎHD’ê de bi kurdî diaxive.
Aydin di 5’ê tîrmeha 1991’ê ji aliyê JÎTEM’ê ve hat revandin û di 7’ê mehê de cenazeya wî hate dîtin.

***

Nûçeya eleqedar:

- Li ser Wedat Aydin du pirtûk hatin nivîsandin