ALI BARIŞ KURT
Nûçegihanê ANF’ê Îsmaîl Yildiz ku piştî serbest hate berdan bi hinceta ku ji ber dozek din lêgerîna wî heye hate binçavkirin û derxistin dozgeriyê. Piştî îfadeyê ew hat berdan. Yildiz diyar kir ku ji cihê wî hiştiye ewê dewam bike û wiha axivî: "Dibe ku em li derve bin, lê em xwe tam azad nabînin."
Operasyona ku 20’ê sermaweza 2011’an di bin navê “KCK”’ê de li dijî rojnamegeran hate kirin û 33 jê girtî 46 rojnameger li Kampusa Girtîgeha Sîlîvriyê pêkhat, 7 rojnameger hatibûn berdan. Ji rojnamegerên girtî 6 jê duh di êvarê ji Girtîgeha Sîlîvriyê hatin tahliye kirin; rojnameger Îsmaîl Yildiz bi hinceta ku di çarçoveya dozek din a li Edeneyê lêgerîna wî heye de nehatibû tahliye kirin.
Roja Înê bi şev Yildiz ji aliyê polîsên Şaxa TEM'ê ya girêdayî Midûriyeta Polîsan ya Stenbolê ve hate binçavkirin û li Midûriyeta Polîsan ya Stenbolê ya li ser Rêya Vatanê ma. Serê sibê ji bo îfadeyan Yildiz dîsa birin Edliyeya Stenbolê ya li Çaglayanê. Yildiz piştî îfadeyan hat berdan.
Yildiz piştî hat berdan ji bo ANF'ê wisa got: "Ez gihîştim keça xwe û ji ber vê jî ez gelek kêfxweş im. Çiqas ji dilê min were ezê wê têr hêmbêz bikim. Lê belê hê parçeyên me yên din girtî ne. Ji bo vê jî ne mimkûn e ku em tam kêfxweş bibin. Ne tenê rojnameger girtî ne, hê di zindanan de bi 10 hezaran kurd girtî ne. Heya ew dernevekin em nikarin qala edelatê bikin. Wê demê jî dê bibe edaleta derengmayî."
Yıldiz diyar kir ku ewê dîsa di ANF'ê de bixebite û wiha axivî: "Ji cihê ku me hiştî emê dewam bikim. Min dixwest nûçeya xwe ya yekemîn li ser çalakiya Dayikên Şemiyê çêbikim, lê belê îro dîsa hatim binçavkirin û ji ber vê xwesteka min pêk nehat."
ANF