Diyarname
Dîroka Osmanî bi kuştinan, qetlîaman û bi birakujiyan tije ye. Helbet bi kuştina wezîran jî. Pargali Îbrahîm ku 13 salan ji bo Dewlata Osmanî wezîrî kir hat kuştin. Rêzefîlmê bi navê "Muhteşem Yuzyil" ku li ser dîroka Osmanî tê kişandin di beşa xwe ya roja 16'ê mehê de bû şahidê kuştina Pargali Îbrahîm.
Pargalî Îbrahîm ku hem ji bo Osmanî di gelek şeran re bi ser ketibû, hem wezîrê dewletê û hem jî zavayê padîşah bû ji aliyê padîşah ve hat kuştin.

Her wiha kurtedemek berê Serokwezîrê Tirkiyeyê Erdogan ev rêzefîlm rexne kiribû û gotibû: "Ecdadên me ne wisa bûn"...

Di beşên pêşîn ên vî rêzefîlmî de nameyê padîşah hatibû xwendin ku beşa "Kurdistan" nehatibû xwendin û  bûbû meseleya nîqaşê. Lê di beşên dûre hatin kişandin de ew name wekî orjînala xwe ku têde Kurdistan jî derbas dibe hatibû xwendin.

Her çiqas rêzefîlm ne belgefîlm in û ne mecbûr in rastiyan nîşan bidin jî,  dîrok nîşan didin ku gelek tiştên di vÎ rêzefîlmî de wekî rastiyê ne.
Yek ji wan xalan jî kuştina wezîr Pargali Îbrahîm e.

Belê, li Osmanî wezîr wisa hatin kuştin. Vîdyo: