Diyarname
Lîstikvanê Barselonayê yê ji Arjantînê Lionel Messi rekora dinyayê bi dest xist. Heta niha lîstikvanê alman Gerd Muller di salekê de 85 gol avêtibû û li dinyayê bûbû "Lîstikvanê ku di salekê de herî zêde gol avêtiye" lê Messi ev rekora Muller şikand. Messi êvara 9'ê mehê 2 gol avêt Real Betis û hejmara golêr xwe yên ku îsal avêtine derxist 86'an. Bi vê yekê ev rekor êdî aîdê Messi ye. Her wiha hê ji bo sal dawî bibe 20 roj mane. Di van 20 rojan de dê Barselona 2 maçên Lîgê û 2 jî maçên Kûpaya Qral a Spanyayê bilîze. Ger di van 4 maçan de jî Messi golan biavêje dê vê rekorê derxe asteke bilindtir.

Dîroka rekorê

Heta îro rekora "di salekê de herî zêde gol avêtine" di destê Gerd Muller debû. Lîstikvanê efsanewî yê Almanyayê Gerd Muller di sala 1972'yan de bi giştî di 60 maçî de lîstibû û 85 gol (72 gol bi formaya Bayern Munih + 13 gol bi formaya tîma neteweyî ya Almanyayê) avêtibû. Bi vê yekê Muller bûbû efsane û heta niha rekor di destê wî de bû. Niha lîstikvanê Barselonayê yê navdar Messi hatiye gihîştiye ber vê rekorê...
Messi yê 25 salî di sala 2012'yan de îsal bi formaya Tîma Neteweyî ya Arjantînê 12 û bi formaya Barselona jî 74 gol avêtiye. Heta îro Messi îsla di 65 maçan de lîst.

Rekorên Messi ên din

Ev rekora ku îro Messi şikandiye rekora herî mezin e. Çawa ku Muller 40 sal berê ev rekor şikandibû û heta niha kesî nekaribû rekara wî bişkîne, dibe ku 40 salek din jî ev rekor di destê Messi de bimîne. Ji bilî vê rekorê hin rekorên din ên Messi hene. Vane ew rekor:

— Di La Liga de lîstikvanê herî ciwan ku gol avêtiye.

- Di hemû tûrnûvayan de lîstikvanê ku herî zêde gol avêtiye (serdema 2010-11'an 53 gol),

— Di Lîga Şampiyonan de 12 gol avêt û piştî Gerd Muller, Jean-Pierre Papin bû sêyemîn kes ku ser hev de sê caran dibe qralê golan (yê herî zêde gol avêtiye). Sala 2012-2011.

— 5 gol avêt Bayer Leverkusen û bi vê di Lîga Şampiyonan de bû lîstikvanê ku di maçekê de herî zêde gol avêtiye (2012)

— Di Lîga Şampiyonan de  (Kûpaya Klûbên Şampiyonan jî têdre), bi golên ku avêtiye rekora José Altafini ya ku 14 gol avêtibû binpê kir.

— Di Lîga Şampiyonan de bû tekane lîstikvan ku ser hev de 4 caran dibe Kesî Herî Zêde Golan diavêje.

— Di serdema 2011-12'yan de di hemû tûrnûvayan de rekora golavêtine:  73 gol.

— Di La Lîga de, di salekê de rekora şikandina avêtina golan: 50 gol (sala 2011-12)

Û roj 09.12.2012: 2 gol avêt Real Betis (deqîqe 16 û 25) rekora Muller şikand.