Diyarname
Heta niha li ser Destana Dewrêşê Evdî hin pirtûk hatibûn weşandin. Niha yeka din li wan zêde bû: “Destana Dewrêşê Evdî”. Ev pirtûk ji aliyê lêkolîner Dr. Omer Uluçay ve hatiye amadekirin û ji Weşanên Dîwan derket

Uluçay ku ev demeke dirêj e li ser Destana Dewrêşê Evdî dixebite, heta niha gelek varyantanê destanê dan ber hev û ev varyant di vê pirtûkê de cih girtin.

Dewrêşê Evdî, bi varyantên Milanî, Şengalî, Serhedî û Qafqasî tên gotin. Her yek xwediyê taybetî û xweseriyekê ye. Ev şax hemî di vê xebatê de cih digirin. Destan, hem pexşankî û hem jî kilamkî hatiye tesnîfkirin û tehlîlkirin. Ev xebat di heman demê de varyantên ku her yek li cihekê ne, yan jî li cihekê hatine weşandin dide hev, di pirtûkek de tê pêşkêş kirin. Yên bixwazin hay ji çend varyantên destanê çêbibin ev pirtûk dê ji bo wan bibe çavkaniya sereke.

Destana Dewrêşê Evdî / Dr. Omer Uluçay / Destan / 296 rûpel