Diyarname
1'emîn Festîvala Şanoyê ya Navneteweyî ya Îzmîrê vê mehê di navbera 7-17'ê mehê de li dar dikeve. Festîvala ku ji aliyê TAKSAV'ê (Weqfa Ji bo Lêkolînên Civakî, Çand û hunerê) ve tê li dar xistin gelek lîstikên balkêş dê bêne lîstin.
Di nav lîstikan de lîstika Şanoya Bajarê Mezin a Amedê "Hamlet" jî heye. Hamlet ku vê serdema payîzê de nû derketibû ser dikê û li çend bajaran hatibû lîstin vê carê li Îzmîrê di çarçoveya festîvalê de 11'ê mehê, saet 20.00'an de li Sehneya Navenda Çanda İsmet İnonu (li Kultur Parkê, li Konakê ye) tê lîstin.
Her wiha di çarçoveya festÎvalê de panelek bi sernavê "Di şanoyê de rêxistîbûn" jî li dar dikeve. Panela ku Mesut Gungor dê moderatoriya wê bike de, Turgay Unlu (Hevberdevkê Yekîtiya Şanoyên Tirkiyeyê), Ragip Yavuz (Serokê Komeleya Şanoyên Bajêr a Stenbolê), Haluk Işik (Hevberdevkê Yekîtiya Şanoyên Tirkiyeyê) û Orçun Masatçi (Hevberdevkê Platforma Şanoyên Tirkiyeyê) dê biaxive. Panel roja 16'ê mehê, saet 14.00'an de li Salona Civînê ya TAKSAV'ê dê li dar bikeve.
Ji bo agahiyên berfirehtir: http://izmirtiyatrofestivali.org/