Diyarname
AKP dixwaze destnedana 10 mebûsên BDP'ê rake. Lê li Meclisê bi sedan fezlekeyên hene ku têde gelek AKP'yî hene, dest nade wan, wan nayne rojevê jî.

Heta niha hemû fezlekeyên ji bo rakirina destnedana BDP'yiyan ji bo meclisê hatine şandin hemû li ser fikir û ramanê ne. Lê yê mebûsên partiyên din fezlekeyên li ser fesadî, sextekar3i û şêlandinê ne.

Vane hejmara fezlekeyên li ser mijar û endamên partiyan ên ku ji bo meclisê hatine şandin:

- Fezlekeyên di îhaleyan de fesadî: AKP sedî 83, CHP- MHP sedî 17, BDP sedî 0.

- Fezlekeyên li ser peywira xwe ji bo xirabî bikaranînê: AKP sedî 72, CHP-MHP sedî 28, BDP sedî 0.

- Fezlekeyên li ser sextekarî, şêlandinê hatine amadekirin: AKP sedî 67, CHP-MHP sedî 33, BDP sedî 0.

- Fezlekeyên li ser anîna ziman a fikrên xwe (ji axaftinên li cihên cur bi cur): BDP sedî 100, AKP, sedî 0, CHP sedî 0, MHP sedî 0.

Û ji bilî van, fezlekeyên der barê BDP'yiyan de ku wan û gerîlayên PKK'ê li ser rêya hatibûn ba hev hatine amadekirin jî hene ku niha ev fezleke şandine ber komîsyona meclisê.

Wekî tê dîtin BDP'yiyan qet sextekarî nekiriye, fesadî û şêlandin nekirine, tenê fikrên xwe anîne ziman û der barê wan de fezleke hatine amadekirin. Û niha li meclisê li ser destnedana BDP'yiyan nîqaş heye, lê mebûsên ku şêlandin kirine, fesadî xistine nav kar, peywira xwe xiramb bikar anîne qet nayên rojevê jî.

Niha nîqaşa rakirina destnedana BDP'yiyan di rojevê de ye û AKP dixwaze destnedana BDP'yiyan ji holê rake û ew bêne darizandin.
MHP jî li ser heman fikrî ye.
CHP dibêje ji bilî destnedana axaftina li ber kursiya meclisê em hemû destnedana ji holê rakin, ger wisa me ewê dengê erê bikar bînin.
Û BDP jî dixwaze hemû destnedan ji holê bêne rakirin, hebe dozek her kes bê darizandin.
Lê tenê anîna rojevê ya destnedana mebûsên BDP'ê wekî neheqiyeke li holê ye. Her wiha hin kes balê dikişînin ser sala 94'an ku destnedana DEP'yan hatibû rakirin û ew hatibûn girtin.
Lê encam çi dibe bila bibe wisa diyar e ku BDP ji gotin û tevgerên xwe santîmekê jî bi paş ve gav navêje.