Bruksel
Parlementoya Ewropa (PE) ya li paytexta Belçîka Brukselê dê ji bo 9’emîn Konferansa Navneteweyî ya Kurd mazûvanî bike. Konferans dê 5'ê berfanbarê dest pê bike û temaya sereke ya konferansê jî ev e: “Li Tirkiyeyê Pirsgirêka Kurd: Diyalog, Nûbûn û ji Nû ve Destpêkirina Muzakereyên Yekser”
Konferans dê bi hevkariya Sermetranê Afrîkaya Başûr û Xwediyê Xelata Aştiyê ya Nobelê Desmond Tutu, Dr. Şirin Ebadi, Bianca Jagger, Profesor Noam Chomsky, nivîskar Yaşar Kemal, nivîskar Vedat Turkali û parlementer Leyla Zana pêk bê.
Axaftina destpêkê û malavahiyê dê ji aliyê Seroka Komîsyona Sivîl a Yekîtiya Ewropa Tirkiyeyê (EUTCC) Kariane Westrheim û Endamê Koma Çepgir a PE'yê Gabi Zimmer, Parlementera Serbixwe ya Amedê Leyla Zana, Hevseroka Parlementoya Têkel a PE-Tirkiyeyê Helene Flautre ve bê kirin. Desmond Tutu jî dê bi peyama bi vîdeoyê beşdarî konferansê bibe.
Panela yekemîn a bi sernavê “Pevçûna Kurd-Tirk: Ber bi ku ve Diçe” bi moderatoriya endamê Koma Keskan a PE'yê û Parlementerê Îngilîz Jean Lambert û Koordînatorê Koma Dostaniya PE û Kurdan û Endamê Koma Çepgir Jurgen Klute pêk bê.
Rûniştina yekem dê bi sernavê “YE û Tevlîbûna Tirkiyeyê: Serdestiya Hiqûqê û razên reforma darazê” pêk bê. Axaftvanên rûniştinê wiha ne: Sekretera Berê ya Konseya Ewropayê Schwimmer û endama Koma Keskan-ALE ya PEyê ya ji Galiyayê Ana Miranda.
Mijara duyemîn jî “Azadiya Çapemeniyê, Sansura Medyayê û Pirsgirêka Kurd” e. Derberê vê mijarê de jî rojnameger Ahmet Şik dê biaxive. Mijara “Makeqanûna Nû: Rewatiya demokratîk çi ye? Tiştên kêm çi ne?” jî ji aliyê hîndekara Zanîngeha Kocaelî Prof. Sevtap Yokus ve bê nirxandin..
Ji Cîgirê Hevserokên BDP'ê Meral Daniş Beştaş dê mijara “Bandora Tirk, DYA û YE'yê di Pirsgirêka Kurd de” binirxîne. Mijarên din ên beşa rûniştina a panelê wiha ne: “Demokrasiya Hatiye Taloqkirin-Zoriyên Berdewam dikin, Darizandinên Siyasî, Nasname û Mafê Mirovan” û “Komkujiya Roboskî– Pirsên bê Bersiv Mane û Berpirs”, “Li Tirkiyeyê Girîngiya Pirsgirêka Jinê”. Di vê beşê de dê Nunerê Herêmê (Bakurê Kurdistanê) yê ÎHD'ê Racî Bîlîcî, Ferhat Encu yê ku gelek xizmên xwe di komkujiya Roboskî de winda kir û Akademîsyen û endama Meclisa Partiya BDP'ê Ozgur Sevgi Goral biaxivin.
Di rûniştinên roja duyemîn de jî dê mijara “Rojhilata Navîn a di asteke krîtîk de: Sererastkirina herêmî ya kê” bê gotûbêjkirin. Ji endamên EUTCC Hans Branscheidt û endamê Koma Çepgir a Peyê Soren Bo Sondergaard dê moderatoriya vê beşê bikin.
Di rûniştinên roja duyemîn de ev mijar dê bên nirxandin: Serkeftina otonomiya Kurd a demokratîk li Sûriyeyê û bandorên herêmê, Li Rojhilata Navîn ji Nû ve Hizirîna siyaset û demokrasiyê, Ji bo Rojhilata Navîn Kî dê Sîstemek Çawa Diyar bike, Raperînên li Herêmê û bandorên wan li ser Kurdan, Rola Tirkiyeyê di Bihara Ereban de, Senaryoyên Polîtîkayên herêmî û navneteweyî de, Projeya Xweseriya Demokratîk a Kurdan Dikare Rolek Çawa Bileyize?
Axaftvanên panelê wiha ne: Hevserokê PYD'ê Salih Muslim, Hevseroka KCD'ê Aysel Tûglûk, Akademisyenê Holandayî Joost Langerden, Rojnameger Serdar Akinan, ji Navenda Moche Dayan Ofra Bengo, rojnameger Cengîz Çandar.
Roja duyemîn a panelê jî dê bi sernavê “Muzakerekirina Aşitiyê: Pêwîstiyên ji bo Çareseriyeke Siyasî û Nexşerêya Aşitiya li Tirkiyeyê”pêk bê.
Axaftvanên beşdarî vê rûniştinê bibin: Hevserokê Giştî yê BDP'ê Selahattîn Demîrtaş, Parlementerê AKP'ê yê Amedê Galîp Ersanlîoglû, axaftvanek ji CHP'ê, Endamê Konseya Rêveber a KCK'ê Zubeyir Aydar, aktîvîstê civaka sivîl Osman Kavala, ji Koma Krîza Navneteweyî Sabine Freizer, Akademîsyen-Nivîskar Nûray Mert.
Di dawiya konferansê de dê encaname bê amadekirin û pêşkêşê dengdana beşdarên konferansê bê kirin.