Diyarname
Kurdish Studies Center ligel kurdên temen bi ser 18'an de anketek çêkir û derket holê ku hejmara piştgirên Amedsporê derketiye bi ser 4 mîlyon kesî.

Anket bi sernavê "Li nav kurdan nêrîna li Amedsporê û alîgiriya wê" hatiye amadekirin.

Li 19 bajaran ligel 1471 kesî rû bi rû hevdîtin hatiye kirin.

Va ne hin encamên ji anketê:
SEDÎ 9 'TÎMA MIN A YEKEM E'
- Sedî 9'ê beşdaran Amedsporî wekî tîma xwe ya yekem, sedî 23 wekî tîma xwe ya duyemîn dibînin. Yên alîgirên tîmên din in sedî 42, yên ku qet piştgiriya tîmek nakin jî sedî 26 in.

4 MÎLYON ALÎGIR
- Li gor daneyan hejmara alîgirên Amedsporê di sala 2023'yan de mîlyonek, 2024'an de 1,5, 2025'an de 2,5 û di sala 2026'an de hejmar derketiye 4 mîlyonî.

JI NAV TÎMÊN DIN DIBE YEKEM
- Di pirsa xwe nêzî kîjan tîmê hîs dike de, Amedspor bi 5,9 yekem e. Dûre Galatasaray bi 4,4 tê û Batman Petrol bi 4,1'ê bûye bêyem. Dûre bi rêzê Urfaspor, Vanspor, Fenerbahçe, Mardinspor û Bursaspor tê.
(Lêkolînê gotiye "Ne 8 tîm, lê tîmên di lîsteyê de bûne hatine pirsîn. Bi şaşî Beşîktaş nexistine lîsteyê)

PIŞTA KÎJAN PARTÎ NE?
- Yên ku wekî alîgirên Amedsporê di anketê de derketine, ji wan pirsîne "di hilbijartina 2023'yan de deng dane kîjan partiyê?" Sedî 57 DEM Partî derketiye, dûre sedî 18 CHP, sedî 12 Ak Partî, sedî 8 ên din û sedî 22 jî gotine me deng bikar neaniye.

'HÛN ÇIQAS XWE WEKÎ KURD HÎS DIKIN?
- Ji yên alîgirên Amedsporê pirsa "Hûn çiqas xwe wekî kurd hîs dikin?" hatiye pirsîn. Sedî 41 gotiye di asta bilind de, sedî 25 gotiye di asta navîn de, sedî 10 gotiye hindik.

- Pirsa "Asta axafina we ya bi kurdî çi ye?" jî hatiye kirine. Sedî 35 gotiye "navîn+baş e", sedî 24 gotiye "qet nizanim + hindik dizanim".

'AMEDSPOR NASNAME YE'
- Ji beşdaran sedî 44 gotiye Amedspor nûnerê nasnameyê ye. Sedî 15 gotiye tenê klûbeke fûtbolê ye.