Diyarname
Li Îngilistanê hikumet di destê Partiya Karkeran de ye. Serokê partiyê û Serokwezîrê Îngilistanê Keir Starmer hem ji Serokatiya Partiyê hem ji Serokwezîrî îstîfa kir. 

Li rêbazê, Steimer dê îstîfaya xwe pêşKî Carlesê 3'yemîn bike. Piştî wê Partiya Karkeran ji bo hilbijartina serokekî/e wê demê bide dest pê kirin û ev yek jî wê di serê payîzê de çêbe. Li gor gotina Starmer wê roja 9'ê meha pêşiya me pêvajoya berendamtiya ji bo Serokatiya Partiya Karkeran dest pê bike.

Ji Partiya Karkeran Andy Burnham wekî berendamê xurt dixuye. Burnham îro eşkere kir ku dê bibe berendam. 
Burnham du caran xwestibû bibe Serokê Partiyê lê her du caran jî têk çûbû. Vê carê destê wî xurt e. Hefteya borî (18'ê mehê) li Makerfieldê hilbijartin hebû, Burnham li hemberî Partiya Reformê ku dijî koçberî propaganda kiribû bi ser ketibû. Burnhamê bi 9 hezar zêdetir dengan bi ser ketibû û vê yekê jî kir ku balê bikişÎne ser xwe.

Burnham cara yekê di sala 2001'ê de ji bo Parlemenê hatibû hilbijartin.

Ji ber di hilbjartina meha gulanê de Partiya Karkeran deng winda kiribûn, mebûsên Partiya Karkeran dixwest Serokwezîr Starmer îstîfa bike. Lê wê her qub dixwest û îstîfa nedikir.

SEROKATIYA STARMER
Partiya Karkeran di tîrmeha 2024'an de di bin serokatiya Starmer de bi dengên piranî hatibû ser kar. Lê ji ber polîtîkayên wî meşandin piştgiriya ji bo Partiya Karkeran kêm bû.
Roja 7'ê gulanê li Îngilistanê hilbjartina herêmî çêbû, li Skoçya û Gallerê Partiya Karkeran gelek deng winda kirin, ev yek jî bû sedem ku kursiya Starmer zêdetir biheje.
Gelek mebûsên Partiya Karkeran îstîfa Starmer xwestibû.

Li Îngilistanê kesê bibe Serokê Partiya Hikumetê, raste rast dibe Serokwezîr jî. Heta Partiya Karkeran serok hilbijêre, dê Starmer peywira xwe bidomîne.