Diyarname
Di çarçoveya "Rojên Wêje û Pirtûkan a Tûşbayê" de îro du helbestvanên jin Krîstîn Ozbey û Mizgîn Ronak di bernameyê de helbest xwendin.

"Rojên Wêje û Pirtûkan a Tûşbayê" duh dest pê kir û wê heta 21'ê mehê bidome. Îro jî hin çalakiyên wekî gotûbêj, helbestxwendin û îmzekirina pirtûkan hebûn. Yek ji wan jî ya helbestxwendinê bû.

Du nivîskarên jin ên helbestvan û nivîskar Krîstîn Ozbey û Mizgîn Ronak beşdarî çalakiyê bûn.

Pêşî helbestvan û nivîskar Ronak mafê axaftinê girt. Ronak helbestvan Ehmed Huseynî ê ku îsal canê xwe ji dest dabû bibîr anî û helbesteke Ehmed Huseynî xwend. Ronak paşê jî qala helbestan kir û hin helbest^ne xwe û hin helbestên helbestvanên din xwendin.

Dûre Krîstîn Ozbey jî li ser hin helbestan sekinî û helbestên helbestvanên jin xwendin. Ozbey ji Jan Seyda, Gulîzer û hin helbestvanên din helbest pêşkêş kirin.

Foto: Dawûd Ozalp

**

Nûçeya Eleqedar:
- 'Rojên Wêje û Pirtûkan' dest pê kir