Diyarname
Di nav fûtbolê de îsal nav û dengê tîmên bajarên kurdan bilind dibe. Bîngol, Amed, Batman, Muş, Mardînspor di lîgên xwe de ber bi şampiyoniyê ve diçin. Bîngol çû jî.
Va ye rewşa dawî:
AMEDSPOR
Amedspor di Lîga Yekemîn a TFF'ê de dilîze. Amedsporê tîma Boluyê kir mêvan û bi 6-1'ê bi ser ket. Mehmet Yeşil (dq 6), Mbya Diagna (dq 38 û 56), Celal Hanalp (dq 41), Daniel Moreno (dq 68) û Dia Saba (dq 71) golên Amedsporê avêtin. Di dawiya hefteya 33'yan de Amedspor bi 72 pûanan di rêza duyemîn de ye. Erzerom xwedî 72 pûanan û Erokspor bi 66 pûanan di rêza sêyemîn de ye. Amedspor hefteya bê diçe Erokê.
BATMAN PETROLSPOR
Batman Petrolspor di Lîga Duyemî Koma Spî de dilîze. Batman Petrolspor îro li mala xwe Muglaspor bi 1-0 têk bir û pûanên xwe derxistin 76'an. Muglaspor bi 65 pûanan duyemîn e. Ji bo lîgê 4 hefte mane. Encax di her 4 maçan de Batman Petrolspor têk here dê nebe şampiyon. Lê ev yek ne mimkûn e. Mirov ji niha de dikare bêje Batman Petrolspor bû şampiyon û sala bê wê di Lîga Yekem de be.
Hefteya bê Batman Petrolspor diçe Enqereyê û wî ligel Sincan Belediye Ankarasporê bilîze.
MARDÎN, MÛŞSPOR
Mardîn 1969 Spor û Muş Spor di Lîga 2'yemîn Koma Sor de dilîze. Mardîn 1969 Spor bi 64 pûanan sêyemîn, Muş Spor bi 63 pûanan çaremin e.
Mardîn îro li Bursayê bi 2-0 têk çû. Muşsporê li mala xwe Gebze spor bi 3-1 têk bir.
12 BÎNGOLSPOR
12 BîngolSpor di Lîga 3'yemîn Koma Duyemîn de dilîze. Bîngolsporê îro li mala xwe Hacettepe Spor bi 4-0 têk bir û şampiyoniya xwe ragihand. Berî lîg bi dawî bibe bi 2 hefteyan 12 Bîngol spor bi 56 pûanan yekemin e. Silifke belediye bi 44 pûanan di rêza duyemîn de cih digire.
DEM PARTÎ BÎNGOL PÎROZ KIR
Piştî şampiyona 12 Bîngolspor, Hevserokê DEM Partî Tuncer Bakirhan bi ser hesabê xwe yê X'ê re peyama pîrozbahiyê belav kir. Bakirhanî got ku ew tîmê pîroz dike û silav li serokê Bingolsporê, rêveber û alîgirên wê kir. Bakirhanî got, "Ez bawer im Bîngolspor sala pêşiya me wê hê serketinên mezin bidest bixe û kêfxweşiyê bide gelê Bîngolê û gelê herêmê. Bila rêya we vekirî be."
Dûre mebûsê DEM Partî yê Bîngolê Omer Faruk Hulaku û Serokê DEM Partî yê Bîngolê Sedat Ormangorenjî peyama pîrozbahiyê ji bo Bîngolsporê belav kir.
**
ÇAYEK BO DIYARNAMEYÊ:
LÎNKA
Kreosus.com'ê bitikînin
LÎNKA
Patreon'ê bitikînin
******
Dibe ev bala te bikişînîn:
- 20 sal, 20 TL (Vê agahiyê bixwînin)...
- Kovareke nû ‘Kewar’ê dest bi weşanê kir
- 2025: Hemû pirtûkên bi kurdî: Ji par zêdetir in
- Pirtûk û fîlmên ku Obama pêşniyar kirine
- 2025: Va ne 100 jinên herî bi hêz
- Nêzîkî 20 hezar kurd hatin Almanyayê (îstatîstîkên 2025'an)
- Nûbihareke nû li ber destên xwendevanên xwe ye