Diyarname
Zagona ku destûrê dide TRT dê pê bi kurdî weşanê bike li meclisê hate qebûlkirin.
Pêşnûmaya ku di Zagona Saziya Televîzyon û Radyo ya Tirkiyeyê de guherînan pêk tîne li meclisê hate qebûlkirin.
Di encama hevdîtinên sê hefteyan de zagona ji 12 xalan pêk hatî hate qebûlkirin. Di vê sê hefteyan de 240 mebûsî mafê axaftinê girt û li ser zagonê axivîn. Di encamê de li hemberî 73 dengên na, bi 225 dengên erê zagon hat pejirandin.
Bi vê zagonê radyo û televîzyonên li nav sînorên Tirkiyeyê weşanê dikin dê bikaribin bernameyên bi zimanên cihê bifroşin TRT an jî ji TRT bikirin. Di hevdîtin û lihevkirineke bi radyo û televîzyonên navneteweyî re dê erêya serokwezîr bê xwestin.
Wekî notek divê em diyar bikin ku zagon ne wekî bi zimanê kurdî, wekî 'bi ziman û zaravayên derveyî tirkî dê weşanê bike' hat pejirandin. Digel ku di pratîkê de her kes dizane ev guherîn ji bo kurdî ye û TRT'ê dest bi amadekariyên ji bo weşana bi kurdî kiribe jî navê kurdî di tu zagonê de nehatiye bi cih kirin an qalkirin.