Diyarname
Midûrê Emniyeta Amedê Recep Guven axafîbû û gotibû ku "ger hûn ji bo terorîstên ku li çiyê dimirin jî negirîn hûn ne însan in". Li ser vê yekê Hevserokê BDP'ê Selahattin Demirtaş axivî û got: "Ji bo me ji axaftinên midûrekî emniyetê yan jî burokratan wêdetir, nêrîn, hewldan û pratîkên pergalê girîng in. Modela ku em pêşniyar dikin midûrên emniyetê di bin fermana şaredaran de ne. Kengê Emnîyeta Amedê ket bin destê Osman Baydemîr, bi wî ve hate girêdan wê çaxê emê kêfxweş bibin. Ji bilî vê tu gotin me kêfxweş nakin."

Midûrê Emniyetê yê Amedê yê nû Recep Guven ku ji Sêrtê ew şandin Amedê bi civîneke taştê de tevî rojnamegerên herêmî hatibû cem hev û gotibû: "Ger hûn ji bo terorîstekî li çiyê dimire jî negirîn hûn ne însan in." Di salên 1990-1996'an de li Amedê bi sedan kes hatin binçavkirin û hatin windakirin. Her wiha wê demê bi hezaran kes hatin girtin, gelekan jê îşkence xwar. Midûrê Emniyeta Amedê yê nû Recep Guven wan salan, di navbera salên 1990-96'an de li Amedê peywirdar bûn.

Hin saziyên sivîl bi êrînê nêzî ev gotinên Guven bûn.

*****

Ji nav nûçeyan hilbijêrek:

- Nivîskarên kurd diçin Fûara Pirtûkan a Frankfûrtê

- Fûara Pirtûkan a Stenbolê xwe amade dike

- Nûçegihanê DÎHA'yê Ferhat Aslan hat girtin

- Zana Farqînî ji Bulent Arinç pirsa meseleya ferhenga kurdî dike