DiyarName.Com

Bakirhan 'Bila ev lîstika 100 salî bê şikandin', Ozel 'Bila Deriyê Sînorê ê Murşîdpinarê vekin'

Dîrok: 27/01/2026

Diyarname
Hevserokên DEM Partî Tuncer Bakirhan û Tulay Hatimogullari ji bo li ser Rojava biaxivin dest bi hevdîtina ligel partiyên siyasî kir. Civîna yekem îro ligel CHP'ê bû û ligel Serokê Giştî yê CHP'ê Ozgur Ozel axivîn. Dûre daxuyanî hat dayîn.
Va ne hin gotin^ne wan:

Tuncer Bakirhan:
- Li Bakur û Rojhilatê Sûriyeyê trajediyeke mirovî tê jiyîn. Em dixwazin ku tundiya li wir bi dawî bibe û pirsgirêk bi rêya guftûgo û muzakereyan çareser bibe. Lê mixabin li Tirkiyeyê koroyeke nefretê heye. Ji serê sibehê heta êvarê dijminatiya Kurdan dikin. Kurd tu caran ji tu kesekî re nebûn gef û dê nebin jî. Divê ev dijminatiya jiberkirî êdî biguhere.
“Divê ev lîstika ku 100 sal in didome, ev çerx êdî were guherandin. Di esasê xwe de banga birêz Ocalan a 27ê Sibatê ji bo xerakirina vê çerxê bû. Lê mixabin li Helebê li dijî pêvajoyê sabotaj hate kirin. Li wir Kurdên bêçek, bêguneh hatin kuştin û koçberkirin. Drameke însanî hate jiyîn. Hin alî dixwazin ku gel her tim li dijî hev şer bikin da ku rantê jê bixwin. Lê Kurdan ji bo pêşî li şerekî li dijî Ereban bigirin, Heleb terikand. Divê ev lîstika mezin û xetere were dîtin. Hêvîdarim îktîdar û rayedarên dewletê jî vê bibînin. Ji bo vê jî divê her kes bi berpirsyarî rabe.”
- Lewma divê di serî de Kobanî, ji bo herêmên murdan korîdorekî însanî ya lezgîn bê vekirin. Tirkiye dikare deriyên sînor ê Murşîdpinarê veke.

Ozgur Ozel:
- Divê Sûriye tavilê biîstîqrar bibe û misogeriya destûreke bingehîn ku Kurd, Ereb û hemû gel û baweriyan di nav xwe de dihewîne bikeve meriyetê. Em li Sûriyeyê bi aştî û çareseriyê re ne. Ev yek de j bo aştiya Tirkiyeyê baş be. Min beriya niha jî gotibû; hebûna sînoran, xwişk-biratiya heyî ji holê ranake. Weke hêmayên avaker ên Komara Tirkiyeyê em li Tirkiyeyê bi xwişk-birayên xwe yên Kurd re dijîn. Kesên dema her tişt baş behsa xwişk-biratiyê dikin, dema rewşa aloz dibe rûyê xwe yê rast derdixin holê. Em zimanê nefretê yê li dijî Kurdan red dikin.”
- “Di lîstika tê lîstin de ma dê Ingilîz, Amerîkayî û Îsraîlî bi ser kevin?” kir û wiha got: “An divê Kurd, Tirk, Ereb, Durzî û Elewî bi ser kevin? Em aştiya xwe bikin, xwişk-biratiyê pêk bînin û em bi ser kevin.
- Di demeke bajar hatiye dorpêçkirin de gelo mimkûn e ku ev alîkarî biçin cihên rast? An dê têkevin destên hin kesên din? Lewma fikarên me hene. Li gorî me divê alîkarî ji Deriyê Sînor ê Murşîdpinarê derbas bibin. Wê demê dê bigihijin cihê rast.
- Rejîmeke mîna HTŞ, her kesî û demokrasiyê wekî dijminê xwe dibîne. Li wir ji tu kesekî re hizûr tune ye. Herî zêde jî ji Tirkiyeyê re nîne. Idlib jî ji hêla van koman ve dihat birêvebirin û Tirkiyeyê ewlehiya wê diparast lê niha bûye navenda hilberandina tiryaka sentetîk.”

Hin nûçeyên eleqedar:

- 27'ê mehê, agahiyên li ser Rojava..

- Senator Graham li ser kurdan dîsa Trump hişyar kir

* 26'ê mehê, agahiyên li ser Rojava...

- 1'ê Reşemî wekî 'Roja Rojava ya Dinyayê' hat ragihandin

- Mazlum Ebdî: Hevdîtin didomin, Artêş wê nekeve Herêmên Kurdan

- 25'ê mehê, agahiyên li ser Rojava

- Şaredariyên DEM Partî: Ji bo Rojava em hemû derfetên xwe seferber dikin

-- 24'ê mehê, agahiyên li ser Rojava

- Heyva Sor a Kurd ji bo rakirina dorpêça li ser Kobanî banga lezgîn kir

- Koma Berxwedan bi stran û peyaman piştgiriyê dide Rojava

-- 23'yê mehê agahiyên li ser Rojava

- 70 rexistinên li Ewropayê banga piştgiriya ji bo Rojava kir