___Cemil Oguz___
15'emîn Festîvala Fîlman a Sûc û Cezayê bi merasimek dest pê kir. Festîval heta 2'yê mehê didome. Fîlmê Ali Asgari "Îlahî Komedya" wekî fîlmê destpêkê hat nîşandayîn.
Festîvala Fîlman a Sûc û Cezayê bi diruşma "Ji bo her kesî edalet" li dar dikeve û di vê çarçoveyê de fîlman nîşan dide. Îsal sala 15'an e. Li Tirkiyeya ku her ku diçe zêdetir meseleya edelatê tê nîqaşkirin, festîval di vî warî de gavek e. 26'ê mehê ji bo destpêkirina festîvalê li Sînemaya Beyogluyê ya li Beyogluya Stenbola Tirkiyeyê merasimek li dar ket.
'BI RÊYA SÎNEMAYÊ BALKIŞANDINA SER HIQÛQ Û EDALETÊ'
Serokê Festîvalê Prof. Dr. Adem Sozuer di merasima festîvalê de got ku festîval bi rêya sînemayê pirsgirêkên der barê hiqûq û edelatê tîne ziman.
Sozuer diyar kir ku îsal jî li dinyayê binpêkirinên cidî yên mafên mirovan didomin û wiha dom kir, "Hiqûq û edalet divê xala sereke ya rojevê be. Ji bo vê yekê festîval bi diruşma 'ji bo her kesî edalet' dinyaya hiqûq û sînemayê tîne ba hev."
'JI SERÎ DE EM JI BO HER KESÎ EDALETÊ DIXWAZIN'
Dîrektora Festîvalê Prof. Dr. Bengi Semerci jî wisa axivî û got, "Edalet wisa peyvek e her kes dixwaze lê di heman demê de her kes jê ditirse. Di vê festîvalê em vê hîn bûn. Ji sala me destpêkiriye ve em ji bo her kesî edaletê dixwazin."
XELATÊN RÛMETÊ Û AKADEMIYÊ
Di merasimê "Xelata Rûmetê ya Sînemaye" dan lîstikvan Ruçhan Çalişkur û derhêner Wang Xiashuai. Li aliyê din "Xelata Rûmetê ya Akademîk" jî dan hiqûqnas Prof. Dr. Turgut Tarhanli. "Xelata Parêzvaniya Edaletê" jî dan derhênerê ji Xezeyê Rashid Mashrawi. Her wiha "Xelata Keda Ji Bo SînemaYê" jî dan derhênenê dîmenê Yorgo Arvanitis û Festîvala Fîlmên Karkeran a Navneteweyî.
Di festîvalê de ji dinyayê gelek fîlm têne nîşandayîn. Piştî bi dawîbûnê, fîlmên bi ser bikevin dê di çarçoveya "Mêzîna Zêrîn" de xelat dê bêde dayîn.
'SÎTAV' JÎ TÊ NÎŞANDAYÎN
Di nav kurtefîlmên festîvalê de kurtefîlmekî bi kurdî jî heye. Kurtefîlmê derhêner Dîlan Toftik ê bi nave "Sîtav" berê kamerayê dide du xwişkên li Sûra Amedê dijîn. Bêrîvan meraqdarê foto û vîdeoyê ye, jiyana wan tomar dike. Xwişka wê Hêlîn jî bi pisîka xwe Nokê demê derbas dike. Di dema Sûr tê dorpêçkirin, gel goç dike de pisîka Hêlînê winda dibe. Fîlm serdemeke siyasî ya nêz a wê derê nîşanî temaşevanan dide.
"Xelata Rûmetê ya Akademîk" dan hiqûqnas Prof. Dr. Turgut Tarhanli.