Diyarname
Tîma neteweyî ya Norwecê piştî 1998'an cara yekê mafê çûyîna Tûrnûvaya Kûpaya Cîhanê bi dest xist. Norwecê di maça dawî de Îtalya bi 4-1 têk bir û mafê çûyîna kûpayê bi dest xist.

HAALAND TÊRÊ DIKE
Maça ku duh li ÎTalyayê li Stada Guiseppe Meazza hat lîstin de Îtalya di deqîqeya 11'an de bi gola Pio Esposito derket pêş. Nîveka pêşî wisa bi dawî bû, di nîveka duyem de Norwecê gol barandin.
Di deqîqeya 63'yan de Norwecê bi gola Antonio Nusa bersiv da: 1-1. Dûre di du deqîqeyan de lîstikvanê beyneymînel ê Norwecê Erling Haalandî di du deqîqeyan de bi du golan stand hejand. Di deqîqeya 78 û 79'an de Haalandî encam bir 3-1'ê. Û di deqîqeya 90+3 de Larsenî encam diyar kir: 4-1.

DI 8 MAÇAN DE 24 PÛAN
Norwecê maça xwe ya 8'an dilîst û di 8 maçan de 24 pûan girtin; yanê di hemû maçan de bi ser ket. Norwec di Koma I de wekî yekemînê komê derbasî Kûpaya Cîhanê ya 2026'an dibe û bi vê piştî 27 salan digihîje mirazê xwe. ÎTalya wekî duyemîn kom temam kir û dê maca play-offê bilîze.

BERÎ HAALANDÎ Û PIŞTÎ HAALANDÎ
Norwec dema di sala 1998'an de beşdarî Kûpaya Cîhanê bûbû hê Haaland nehatibû dinyayê. Paşê maçên wan bi xemgînî bi dawî bûn û heta îro her xemgîn bûn. Lîstikvan Haaland di sala 2000'î de hat dinyayê û niha 25'ê saliye; bi golên xwe piştî 27 salan wî tîma xwe bir Kûpaya Cîhanê. Haalandê ku cara yekê dê di Kûpaya Cîhanê de bilîze, di van maçên koman de bû golavêjê yekem. Di van 8 maçan de wî 16 gol avêtin û bûye yekem. Piştî wî lîstikvanê îngilîz Harry Kane û lîstikvanê Avusturyayê Marko Arnautovic her yek bi 8 golan tên.

TÎMÊN ÇÛN
Li gor encamên dun li Ewropayê tîmên bûn yekemînên komên xwe û bilêtên Kûpaya Cîhanê bi dest xistin ev in: Fransa (Koma D), Portekîz (Koma F), Îngilistan (Koma K), 
Hirvatistan (Koma L), Norwec (Koma I).

Tîmên wekî Albania, Çekya, Ûkrayna, Komara Îrlanda û Îtalya Bûn duyemînên koman û ewê beşdarî maçên play-offê bibin. Maçên din ên koman ên beşa Ewropayê îro û sibê têne lîstin û timên din ên yekem û duyem dê diyar bibin.