00.00
Rewşa Kerkûkê: Kurdan 6 kursî girtin
Li Kerkûkê 11 mebûs têne hilbijartin. Li vir YNK partiya yekem e. Partiyên kurdan li Kerkûkê 6 kursî girtine: YNK'ê 5, PDK'ê kursiyek. Ereban 2 kursî, Eniya Tirkmenan 2 kurdî, Erebên Xiristiyan (nêzî YNK'ê ne) kursiyek girtine.

23.30
PDK'ê 29, YNK'ê 18 kursî girtine.
Li gor agahiyên nû PDK'ê 29 kursî, YNK'ê 18 kursî girtine. Encamên fermî hê nehatine belavkirin. Komîsyonê ragihandiye ku piştî 24 saetan dê encamên fermî belav bike. Bi temamî encama partiyên kurdan bi vî rengî ye: PDK: 29 kursî, YNK: 18 kursî, Helwest: 5 kursî, Yekgirtû: 4 kursî, Nifşê Nû 3 kursî, Komele 1 kursî. Kurdan 60 kursî girtine.
Wekî notek di hilbijartina berî vê de hejmara kursiyên PDK'ê 31 bû, yên YNK'ê 17 bû.

22.30
PDK'ê 21, YNK'ê 10 kursî girtine
Li gor Rûdawê di hilbijartinê de PDK'ê 21, YNK'ê 10, Helwestê 5, Nifşê Nû 3, Yekgirtû 4 û Komelê kursiyek bi dest xistiye. Li gor heman nûçeyê PDK'ê mîlyonek û 24 hezar deng girtine. YNK'ê 484 hezar û 679 deng girtine û li Herêma Kurdistanê bûye duyemîn. Partiyên de Helwêstê 152 hezar, Nifşê Nû 131 hezar, Yekgirtû 162, Komelê 42 û Bereya Gel 47 hezar deng girtine.
Beramberî vê malpera Channel8'ê nivîsandiye ku PDK'ê 830 hezar, YNK'ê 401 hezar deng girtine.

19.50
Sedr: Me astengî çênekir
Serokê Tevgera Neteweyî ya Şîeyan Muqteda Sedir eşkere kir ku tevgera wî tevî ku boykota hilbijartinê kiriye jî hewla astengkirina dengdana hilbijartinê nekiriye. Sedr got: “Ev yek diyar dike ku em ne evîndarê desthilatê ne, belkî projeyek ji bo rizgarkirina gel in.”

19.30
Reşîd: Hilbijartin bi serketî çêbû
Serokkomarê Iraqê Letîf Reşîd piştî dawîbûna dengdana Parlementoya Iraqê peyamk belav kir û got, "Prosesa hilbijartinê li hemû gelê Iraqê pîroz be. Ev serketina karê demokrasiyê ye. Heman deme ev yek girêdana gelê Iraqê ya bi rêbaza aştiyane ya birêvebirina welat e.”

19.00
BEŞDARIYA HERÊMA KURDISTANÊ Û KERKÛKÊ
- Li gor agahiya komîsyona hilbijartinê li Herêma Kurdistanê beşdarî bi sedî 56 çêbûye.
- Li Kerkûkê ku wekî parêzgeheke kurdan lê ne li nav Herêma Kurdistanê beşdarîu sedî 63 çêbûye. 

18.00
Hilbijartina ji bo Parlemena Iraqê vê serê sibê saet 07'an de li temamê Iraqê û li Herêma Kurdistanê dest pê kir. Dengdan saet 18.00'an de temam bû.
Li dor 20 mîlyonî dengdêr hene ku ji vê dor 2,8 mîlyonî li Herêma Kurdistana Federe ne.

Li gor agahiyên hatine îro di dema hilbijartinê de 117 bûyer derketine, li hin cihan bêyî nasname bê nîşandayîn dengdan çêbûye.

Ji aliyê kurdan ve PDK û YNK gelek xurt xebitîn. Ji bilî van Dadwerî, Tevgera Îslamî jî ketiye hilbijartinê.

...encam her ku bên emê nûçeyê nû bikin...