Diyarname
Desteya Çandê ya Rêveberiya Xweseriya Demokratîk a Kantona Tebqayê, piştî xebatên restorekirin û sererastkirinê ronîkirina Keleha Caber jî temma kir. Ji bo xebatên restorekirin û ronîkirinê 30 hezar dolar pere xerc kirin.

Der barê xebatan de Hevserokê Desteya Çandê ya Tebqayê Elî El Elaya ji bo ANHA'yê gotiye ku armanc ji van xebatan balê bikişînin ser cihên şûnwarî û zêdebûna hişmendiyê ji bo qîmetdayîna nirxên dîrokî.
El Elaya diyar kir ku ronîkirina kelehê dê xweşikbûneke cuda bidiyê, hewayekî guncaw ji bo lidarxistina mîhrîcan û ahengan peyda bike; ji bilî wê jî ew dibe cihê dîmenkêş û turîstan.