Diyarname
Di Kûpaya Dinyayê ya Klûban a FIFA'yê de favorî têk çû, yê ne favorî kûpa bir mala xwe. Em qala Chelsea dikin. Chelsea bi 3 golan, bi 3-0 reqîbê xwe PSG têk bir û bû serketiyê dinyayê.

Di Kûpaya Dinyayê ya Klûban a FIFA'yê de 13'yê mehê li Stada MetLife maça fînalê hebû. Hakêmê avustralyayê Alireza Faghani maç bi rê ve bir. PSG'ê heta niha tîmên xurt wekî Atletico Madrid, Real Madrid, Bayer Münih têk biribûn û hatibû fînalê loma jî ji aliyê piraniya sporkaran ve wekî favorî lê dihat nêrîn, lê Chelsea got "Em ne Madrid in, ne Bayer in, em Chelsea ne" û kûpa bir mala xwe.
30 deqe ji bo Chelsea têrê kir; Di deqîqeya 22'yan de Cole Palmer gola yekem qeyd kir. Dema di deqîqeya 30'î de carek din li ser dikê bû, gelek kesî meraq dikir ku dê PSG bikaribe maçê vegerîne yan na. Lê dema di deqîqeya 43'yan de vê carê Palmerî ji bo Joao Pedro asist kir û ji bo Pedro tenê mabû nigê li binê gogê bixwe, wê çaxê êdî deriyê hêviyê ji bo PSG'ê bi temamî hatibû girtin.
Palmer bi van golan, bi asîstê û di nav 90 deqîqeyî de bi xîreta ku nişan da wekî Lîstikvenê Herî Serketî hat hilbijartin.
Di nîveka duyemîn de PSG'ê çend şût kişandin qeleyê, lê têre nekir û Chelsea'yê carek ev kûpa biribû mala xwe, carek din kûpa girt û hejmar derxist diduyan.
Her ku PSG ye qet ev kûpa negirtiye, di 90 deqîqeyî de jî ji bo ku kûpayê bigire nekarî lîstikek serketî, pircure, bi bandor derxe pêş. Ji PSG'ê îro ne Hakimi, ne Mendes, ne Ruiz hebû, ne jî Dembele bi bandor bû. Çend xwe hejandinên Vitinya jî nekarî tiştek bike.
Li aliyê din li Chelsea qeleparêz Sanchez jî Cucurella jî û yên jî serketî bûn ji xwe Palmer û Pedro em qal nakin jî.

MÎNAKEK DIN A WISA NÎN E: CHELSEA DÎROK NIVÎSÎ
Chelsea heta niha hemû kûpayên dinyayê bi dest xistine. Chelseta heta niha Kûpaya Dinyayê ya Klûban a FIFA'yê, Kûpaya Premier Lîgê, ya Lîga Şampiyonan a UEFA'yê, ya Lîga Ewropayê ya UEFA'yê, dîsa Kûpaya Konferansê ya UEFA'yê û her wiha Kûpaya Super a Ewropayê ya UEFA'yê bi dest xistiye û bi vê yekê rekor şikandiye. Tîmek din ku ev kûpa hemû girtibin tune ye.

NOTÊN LI SER DERVEYÎ SEHAYÊ
Li Stada MetLifa ya li East Rusherford a New Jersey a DYA'yê cihê 82.500 kesî heye. Îro 81 hezar û 180 kes li stadê bûn û li maçê temaşe dikin. Di nav kesên temaşe dikirin de Serokdewletê DYA'yê Donald Trump jî hebû.

XELATÊN MAÇÊN
Qeleparêzê Chelsea ji ber serketina di vê tûrnûvayê de wekî Qeleparêzê Serketî hat hilbijartin û Xelata Lepikê Zêrîn girt. Lîstikvanê Chelseat Palmer jî ji ber piravêtina golan Xelata Zêrîn a Golavêjiyê girt.

***

"3 Deqe ligel Cemil Oguz"