Diyarname
Tîmê îngilîz Liverpool emsar di lîg de rewşê cê baş o; di rêza yewîn de wo û îhtîmalêke pîl go bibo şampiyon. Kaykerdoxê Liverpoolî Mohamed Salah ene serkewtine de wayirê keda pîle wo. La meselay ê transferî meselawa sereke ya Liverpoolî bî û enka ene mesela hel bî.

Liverpoolî bi kaykerdoxê xwu Salah ra 2 sero bînî peyman îmza kerd. Kaykerdox Salah ke 32 sere yo, dimay ene îmza vat, "Helbet ez zehf bi heyecan a. Hendî tîmêke ma wo mikemel esto. Verî zî tîmêke ma o mikemel bîbî. Mi peyman îmze kerd çimkî ez bawerim hema derfetê ma estê ke ma kûpayan bigirîn û ez fûtbol ra kêf gêna."

Salah di serey 2017'inan de Roma ra hamebî Liverpool û a çaxî ra nat tîm de kay keno.