Diyarname
Di Lîga Şampiyonan de maçên pêşîn ên çarîk fînalê êvara 8'ê mehê hatin lîstin. 9'ê mehê jî lîstik hene.
Maçên çarîk fînalê yên Lîga Şampiyonan wekî du maç têne lîstin. Maçên yekem êvara 8'ê mehê bûn. Li Îngilistinê Arsenalê Tîma spanyolî Real Madrid kir mêvan û bi 3 golan ew şand mal. 
Di nîveka yekemin de hes û hewar ji golan tüne bû, di nîveka duyemîn de Arnesal bû agir. Di deqîqeya 58'an de Declan Rice golek avêt û di deqîqeya 70'yî de dîsa li ser dikê bû. Mikel Merino di deqîqeya 75'an de encam diyar kir: 3-0.
Arnesalê bi qasî golên avêtin, ew qas jî nekarî biavêje; Yanê maç dikaribû heta 5-6 golan here. Her du golên Declan Rice'î temaşevan mest kirin. Her ku Real Madrid e du sê pozîsyonên wê yên serketî hebûn, ew jî nekarî tiştek bike.
Ji Real Madridê lîstikvan Eduardo Carmavinga deqeya 90+4'an qerta sor dît û ji maçê hat avêtin. Bi vê serketinê ji bo maça duyem Arsenalê avantaj bi dest xist.
Maça din li Almanyayê di navbera tîma alman Bayer Munih û tîma îtalyî Interê de bû. Inter bi 2-1 bi ser ket û ajantaj bi dest xist. Laudaro Martinez (deqe 38) û Davide Grattesi (deqe 88) li ser navê Interê gol avêtin. Tekane gola Bayerê Thomas Mullerî deqe 85'an de avêt.
ÎRO
9'ê mehê jî du maç hene. Barselona Borussia Dortmundî, PSG jî Aston Villayê dike mêvan. Her du maç jî li gor saeta Amedê saet 22.00'an de tene lîstin.
Maçên duyemîn ên van maçan dê rojên 15 û 16'ê mehê bêne lîstin, tîmên bi ser bikevin dê herin nîv fînalê. Maçên nîv fînalê rojên 29'ê mehê û 6'ê gulanê têne lîstin. Maça fînalê ya Lîga Şampiyonan roja 31'ê gulanê dê bê lîstin.