Diyarname

Miyanê 14'ê hezîranî û 13'ê temûzî de turnuvaya Kûpaya Dinya ay Klûban ay Fifa virazêna. Emsar DYA qeybî tûrnûva mazûvanî kena. FIFA çiqa pere go bido klûbê bi ser bikoy, enka eşkera kerd.

Geroy xeberê hamey vilakerdişî ra FIFA go bi temamî 525 milyon dolarî pere bido tîman. La bara tewr zehfe go klûbê UEFA ê zey Chelsea, Manchester City, Real Madrid û Bayer Münih bigîrê. UEFA go navortey 12.91-38,19 milyon dolarî bigîro

Klûbê Conmebol (Libertadores) nizdî 15.21 mîlyon dolarî go bigîrê. Klûbê Concacaf (Federasyona Karayîp û Amerîkaya Miyanîn-Bakurî), klûbê CAF'î (Konfederasyona Fûtbolî ay Afrîka) û klûbê AFC'î (Konfederasyona Fûtbolî ay Asya) go 9.55 mîlyon dolarî, klûbê OFC'î (Konfederasyona Fûtbolî ay Okyanusyî) 3.58 mîlyon dolarî bigîrê.

Di her serkewtinê maçêke de tîmo bi ser biko go 2 mîlyon dolarî bigîro, qeybî yewbîyînî zî go mîlyon dolar bidê tîmî.

Xelatê bînî bi eno awayê:
- Tîmê Şorê Dewrey 16'inan: 7.5 mîlyon dolarî
- Tîmê Şorê Çarîk Fînalî: 13.125 mîlyon dolarî
- Tîmê Şorê Nîm Fînale: 21 mîlyon dolarî
- Tîmê Fînalîstî: 30 mîlyon dolarî
- Û tîmo bibo şampiyon go  40 mîlyon dolar pere kar bikero.