Diyarname
Belgefîlmê bi navê "No Other Land" ji aliyê Hamdan Ballal, Yuval Abraham û Rachel Szor ve hatiye kişandin. Belgefîlmî serê vê mehê Xelata Belgefîlmê Herî Serketî a Oscarê girt. Belgefîlm li Eyaleta Florida ya DYA'yê dê bihata nîşandayîn lê destûr nedan.
Belgefîlm li Bati Şerîa derbas dibe. Qala bûyerên di navbera salên 2019-2023'yan de çêbûne dike. Dema belgefîlmî xelata Oscarê girt, Îsraîlê bi gotina "Ev ne huner e, sabotaj e" rexne kir.
Şaredarê Miami Beach ê bi navê Steven Meiner dixwaze pêşî li nîşandayînê bigire. Salona sinemayê ya serbixwe dixwaze belgefîlmî nişan bide, lê şaredar gotiğe ewê 40 hezar dolar fona ku didin sînemayê bibirin û peymana kirayê jî betal bikin.
Meiner îdîa dike ku fîlm antîsemîtîk e. Ev yek, vê hefteyê di Meclisa Şaredariyê de dê bikeve rojevê û li ser biaxivin.
Belgefîlm îna borî li vê sînemayê promiera kir, lê şaredar nameyek ji bo salonê şandiye û gotiğe, "Li DYA'yê yek ji cihên herî zede cihû lê dijîn jî Miami Beach e. No Other Land propagandaya yek alî ye û ev yek ne li gor nirxên me û tiştecihên me ye, êrîşa li dijî cihûyan e."
CEO'ya sînemayê Vivian Marthell ji bo AP'ê gotiye, "Pêşî bi erênî me li gotinên şaredar mêze kirin lê paşê ji bo parastina azadiya ramanê me belgefîlm nişan da."