Diyarname
Wezareta Karê Hundir a Tirkiyeyê bi kayûmê dest danî ser Şaredariya Bajarê Mezin a Wanê
Waliyê Wanê Ozan Balci wekî kayûm hat şaredariyê….

'EV DERBE YE'
Hevşaredarê Wanê Abdullah Zeydan li ber avahiyê dijî kayûm derket û got, "Ez vê teblîgê (ragihandinê) qebûl nakim. Ev derbe ye. Em hatine hilbijartin." 
Zeydan bi ser hesabê xwe yê X'ê re jî got, "Dizê bêşerm vîda gelê Wanê dizîn. Dê derbekar winda bikin, gel dê bi ser bikeve."

DEM Partî bi sedî 55,5 Şaredariya Bajarê Mezin a Wanê bi dest xistibû.

5'emîn Dadgeha Cezayê Giran a Amedê 11'ê vê mehê bi îdîaya "endamtiya rêxistinê" 3 sal û 9 meh cezayê hepsê li Hevşaredarê Wanê Abdullah Zeydan birî. Parêzerên Zeydan, qereqolê û pêzan diyar kiribû ku Zeydan ne li cinê operasyonê bû, ne mimkûn e "pêşî li operasyonê bigire, yan zerarê bide" lê dîsa jî dadgehê ceza lê biribû.

GELEK KES HATIN BINÇAVKIRIN
Bi şev biryara kayûmê hat dayîn. Bi vê yekê re gelek polîs hatin ber şaredariyê û gelek kesê li wir bûn bi zorê hatin binçavkirin. Hevşaredarê Bajarê Mezin ê Amedê Dogan Hatun li wir bi ters kelebçeyê girtin bin çavan. Dogan destê sibê berdan.
Di vê navê de gelek rojanemgerên bûyer dişopandin û gelek kesên li wir jî rastî êrîşê hatin. Navê rojnamegerên diyar bûn ku hatine binçavkirin ev in: Bilal Babat, Mehmet Guleş, Behçet Bayhan, Ruşen Takva û Medine Mamedoglu.

'ŞAREDARÎ NE YA DERBEKAR A GEL E'
DEM Partî li ser kayûmê daxuyineyeke nivîskî belav kir û got, “Ev derbe ye. Derbeya kayûm ku di nîvê şevê li dijî şaredariya me hate kirin, derbeyeke li dijî vîna gel e. Em, serdegirtina avahiya şaredariyê, avêtina bombeyên gazê, bikaranîna guleyên plastîk û binçavkirina zarok û kesên kal û lêxistina wan lanet dikin. Em ê serî li ber vê bêhiqûqiyê netewînin. Em ê li dijî zîhniyeta kayûmperest a hewl dide vîna gelê Wanê bidize bisekinin. Şaredarî ne ya derbekaran, ya gel e.” 

NÎVRO LI PARKA FEQIYÊ TEYRAN KOM DIBIN
Rêxistina DEM Partî ya Wanê bi ser hesabê xwe re eşkere kir ku ew saet 13'yan de li Parka Feqiyê Teyran dicivin. Rêxistinê li hemberî kayumê bang li saziyên sivîl, partiyên siyasî û kesên demokrasî û hiqûqê diparêzin kir ku li wir li cem wan bin.
 

**

Nûçeya Eleqedar:

- Dadgehê 3 sal û 9 meh ceza li Hevşaredarê Wanê Zeydan birî

**

Bi reqeman meseleya Abdullah Zeydan (vîdeo):