Diyarname
Du pirtûk bi navê "101 çîrokên kurdî" û "101 romanên kurdî" (cîlda 2'yem) du pirtûkên nû derketin. Di pirtûkan de bi dehan roman û çîrok hatine şirovekirin. Her du pirtûk ji aliyê Faîk Ocal ve hatine amadekirin û ji Weşanên Sîtavê derketine.
ÇÎROK
Faik Ocal ev çend sal in li ser van roman û çîrokan xebatên xwe didomîne. Pirtûka pêşî em qal bikin a li ser çîrokan e. Navê pirtûkê "101 çîrokên kurdî, şirove, rexne û nirxandin" e. Pirtûk ji 592 rûpelan pêk tê.
Faik Ocal pirtûkên çîroknivîskaran xwendine, nirxandine û wekî gotar şirove, rexne û nirxandin lêkirine. Di vê pirtûkê de ji Menaf Osman, Çiya Mazî, Sîdar Jîr, Mem Med heta, Mem Zînistanî, Brahîm Ronîzêr, Kadîr Stêra, ji Hesen Qizilcî, Lorîn S. Dogan, Çorê Arda heta Krîstîn Ozbey, Receb Dildar, Hesen Ildiz, Cîhan Roj, Kovan Baqî, Şêrzad Hesen, Îbrahîm Seydo Aydogan, Loqman Ayebe 101 nav hene.
Pirtûka din li ser romanan e. Ocal di sala 2022'yan de cilda yekem a vê pirtûkê derxistibû, niha bi cilda duyem li pêşberî xwendevanan e.
ROMAN
Pirtûk bi navê "101 romanên kurdî, şirove, rexne û nirxandin" wekî cilda diduyan hatiye belavkirin. Di pirtûka 376 rûpelî de nivîskarî 50 roman girtine dest û nirxandine.
Di vê pirtûkê de ji Şener Ozmen, Mehmed Uzun, Remezan Alan, Nudem Hezex, Fewzî Bîlge, Çidem Baran heta Îrfan Amîda, Newroz Saidpour, Hisên Kemal, Eşyana Beravî, Gula Almastê, Ahmedê Hepo 50 nav hene.
Di her du pirtûkan de ligel nirxandina berheman, ew kes jî têne nasandin.
Wekî notek: Weşanên Sîtavê jî niha li Amedê beşdarî Fûara Pirtûkan a Amedê bûye. Pirtûk dikarin li wir bêne peydakirin.