DiyarName.Com

23.00
Komîsyona hilbijartinê rêjeya beşdariyê eşkere kir:
Duhok: Sedî 78
Hewlêr: Sedî 74
Helebce: Sedî 69
Silêmanî: Sedî 65
Li gor encamê PDK li Hewlêr û Duhokê, YNK li Silêmanî û Helebçeyê bûye yekemin.
Di vê hilbijartinê di Nifşê Nû dengen baş girtine. Li gor encamên ne fermî hejmara mebûsan vî rengî dixuye: PDK: 40, YNK: 25, Nifşê Nû: 16, Yekgirtuya Îslamî: 6, Komelî Îslamî: 3, Helwêst: 2, Bereyê Gel: 2 kursî. Kursiyek nediyar e. Her wiha 5 kursî jî ji bo kotayan in.
20.15
Li gor encamên pêşî yên tên li Hewlêr û Duhokê PDK li pêş e. Li Silêmanî YNK li pêş e. Li Duhokê her sê bajaran jî Nifşê Nû dengên girîng girtine.
19.30
Li gor encama dengdanê û beşdariyê li van herêman ji bo hilbijartina mebûsek: Li Hewlêrê 14 hezar deng divên. Li Silêmanî 15 hezar, li Duhokê 16 hezar û li Helebçeyê 10 hezar deng divên.
18.45
Li Silêmanî û Hewlerê bi awayekî awarte ewlehî hatine girtin. Yekîneya Ewlehiyê ya Herêma Kurdistanê bang li hemwelatiyan kir ku xwe ji xirecirê dûr bigirin.
18.10
Piştî girtina sindoqan rêjeya beşdariyê jî diyar bû: Silêmanî sedî 60, Hewlêr sedî 65, Dihok sedî 70, Helebce sedî 61
HEJMARA KURSIYÊN LI PARLEMENÊ
Dadgeha Federala ya Îraqê îsal roja 22'ê reşemî biryar da ku 11 kursiyên pêkhateyên ên Parlemena Herêma Kurdistanê bêne betalkirin. Bi vî awayî hejmara mebûsan dê ji 111'an katena 100'î.
Komîsyona Bilind a Serbixwe ya Hilbijartinan a Îraqê roja 20'ê gulana 2024'an rêziknameyeke nû amade kir û li gor vê biryar dan ku li Parlemenê 100 kursî hebin, lê ji vê 5 kursî ji bo pêkhateyan bin. Îro ji bo van 100 kursiyan dengdan li dar ket.
Hezar û 191 berendam hene. Ji bo kotayan jî 38 berendam hene. Ji 100 kursiyan 5 ji bo kotayan in. 95 mebûsên kurd dê bêne hilbijartin. Ji vê 30 kursî ji bo jinan in.
HEJMARA MEBÛSÊN BAJARAN
Li bajaran jî hejmara mebûsan bi vî rengî ye: Silêmanî 36 kursî, Hewlêr 32 kursî, Dihok 24 kursî, Helebçe 3 kursî
18.00
Dengdan xilas bû. Piştî kêliyek din dê dest bi jimartinê bê kirin. Xelkê yekem car bi rêya sîstema elektronîk deng da. Deng bi rêya sîstema elektorînîk wê bêne hilbijartin.

BEŞDARÎ NAVBERA SEDÎ 53-65'AN DE YE
17.40
Li gor agahiyên ku tên rêjeya beşdariyê bi vî rengî ye: Li Duhokê sedî 65, li Hewlêrê sedî 55, li Helebçeyê sedî 54 û li Silêmanî sedî 53 ye.
17.30
Channel 8 ji Akreyê wisa ragihand, "Welatiyekî dîmen ji Kanal8'ê re şandiye û dibêje: Li navendeke Akrê xelk tevda rijiyane nav navendê û "sextekarî tê kirin", nûnerên YNK û Yekgirtiya Îslamî daxwaza formaya giliyê dikin, lê nadin wan."
Li aliyê din kanalê ragihand ku Asayişa Duhokê êrîşî çavdêrên YNK'ê yên li bajarokê Qesrokê kiriye û vîdeoyeke weşand.

17:20
Beşdariya dengdanê zêde dibe. Li gor komîsyonê heta vê kêliyê rejeya dengdanê derketiye sedî 62’yan.
17.00
Li sînorê îdareya Raperîn rêjeya beşdarbûna dengdanê gihişte ji sedan 60. Li deverê 94 navend hene û 474 sindoq hene. Her wiha mafê dengdanê yê 203 hezar û 380 kesan heye.
14.00
Serokê Komîsyona Bilind a Serbixwe ya Hilbijartinan a Îraqê Omer Ehmed got ku encamên pêşî wê di nav 24 saetan de werin eşkerekirin.

HETA NÎVRO BEŞDARÎ GELEK KÊM BÛ: DOR 29-33'YAN
12.00
Li hilbijartinê beşdarî gelek kêm e. Li gor vê saetê li Dihokê beşdarî sedî 31, Hewlêrê sedî 34, Silêmaniyê sedî 29 û li Helebceyê jî sedî 33 dixuye.
11.25
Serokwezînê Herêmê û Cîgirê Duyemîn ê Serokê PDK'ê Mesrûr Barzanî li Pîrmama Hewlêrê dengê xwe da. Barzanî ji hemwelatiyan xwest ku ceza bidin ên ku bi çarenûsa gele Kurdistanê dilîzin.
10.00
Serokê Eniya Gel Lahor Şêx Cengî li dibistana Meşxelan a Silêmaniyê dengê xwe da û ji bo çapemenî got, “Hêvîdarim hemû welatî bên ser sindoqan û dengê xwe bikarbînin. Ji ber ku ev hilbijartin wê guhertin bi xwe re bîne û piştî hilbijartinê jî emê biryar bidin ka emê tevlî hikumetê bibin yan na.”
09.30
Serokê Komela Dadgerî Elî Bapîr li Hewlêrê, Emîndarê Giştî yê Yekgirtû Selahedîn Behadîn li dibistana Meşxelan a Silêmaniyê deng da.
Serokê Tevgera Nifşê Nû Şasiwar Ebdulwahid li Silêmaniyê dengê xwe da.
07.30
Serokê YNK'ê Bafil Talebanî li Silêmanî dengê xwe da û bang li gel kir ku herin dengê xwe bidin. Talebanî sipasiya Mazlûm Ebdî kir ku duh piştgirî dabû wî û dûre got; “Emê dawî li vê desthilata yek kesî bînin.
07.00
6'emîn Hilbijartina Parlemena Herêma Kurdistana Federe vê serê sibê saet 07'an de dest pê kir û saet 18.00'an de dê bi dawî bibe.
Bi biryara Dadgeha Federal a Iraqê, Komîsyona Bilind a Serbixwe ya Hilbijartinê ya Herêma Kurdistanê hatibû betalkirin. Loma jî hilbijartina vê carê di bin çavdêriya Komîsyona Bilind a Serbixwe ya Hilbijartinan a Îraqê te bi rê ve birin.