Diyarname
Roja 11'ê mehê 33 saliya damezrandina kanala televîzyona kurdî li başûrê Kurdistanê ku bi navê Kanala Dayîk tê naskirin bû. Kanala televîzyona "Dayîk" ku niha wekî Gelê Kurdistanê tê zanîn roja 11'ê rezbera 1991'ê bi axaftina Serokê YNK'ê Celal Talabanî li yarîgeha Silêmaniyê dest bi weşanê kir. Li gor nûçeya Pukmediayê ji bilî dema 31 Gelawêjê/Tebaxê ku PDK'ê ligel leşkerên Sedam êrîşê YNK'ya mu Hewler di dest wê de bû kir, ev kanal her weşana xwe kiriye, tenê wan rojan rawestiya ye.
PIŞTÎ SERHILDANÊ VEBÛ
Pukmeidayê wisa gotiye "Kenala televîzyonê yekemîn kanal bû piştî Serhildana Bihara Kurdî di sala 1991'ê de û hejmarek ji kadroyan jî rol di damezrandin û weşana kanalê Gelê Kurd hebûn û her di karê xwe de berdewam in."
Kanalê "Dayîk" ji aliyê YNK'ê ve hatibû damezirandin û niha jî kanala YNK'ê Gelî Kurdistan e. Rêveberê Televîzyona Gelî Kurdistanê Dilbend Mistefa ji bo malpera fermî ya YNK'ê PUKMEDIA'yê wiha gotiye: "33 sal bi ser damezrandina yekemîn kanala televîzyona kurdî re derbas bûn, ku di sala 1991'ê de bi axaftina dîrokî ya Serok Mam Celal li Silêmaniyê dest bi weşana xwe kir û ji wê demê ve hewl da bibe deng ji bo gihandina daxwazên xelkê."
'DENG Û RENGÊ WELATIYAN BIGIHÎNIN ARMANCÊ'
Dilbend gotiye ku Kanala Gelî Kurdistan di heyama xebata xwe de ji yasa û etîka medyayî dûr neketiye û ev yek jî bûye sedema çêbûna bawerî di navbera gel û kanalê de û wiha dom kiriye: "Niha kanala Gelî Kurdistanê kariye karê xwe pêş bixe û xwe li gor teknolojiya nûjen biguncîne, em hêvîdar in ku em karibin kanalê zêdetir pêş bixin û deng û rengê welatiyan bigihînin armanca xwe, ez damezrîner û hemû xebatkarên ku niha li ser kanalê ne yan jî ji ber sedemekê derketine pîroz dikim. Kanala Gelî Kurdistan di demsala nû de bawerî û dirustî ji xwe re kiriye diruşma ku em ji exlaq, yasa û rêgezên rojnamegeriyê dûr nakevin û kanaleke pêbawer û berpirsyar e û baweriya xelkê winda nekiriye."