Diyarname
Li gelek welatan festîvalên fîlmên kurdan hene, niha yeka din li wan zêde dibe: Festîvala Fîlmên Kurdan a Şikagoyê. Festîval li benda berheman e.
Navenda Çanda Kurdî ya Illinoisê di bin dîrektoriya Ridwan Zozanî de cara yekê Festîvala Fîlmên Kurdan a Şikagoyê li dar dixe. Yên bixwazin heta 15'ê vê mehê berhemên xwe bigihînin ber destên amadekaran.
Fîlmên ku bêne şandin divê di navbera 2021-2024'an de hatibin kişandin, divê jêrnivîsa wan a bi îngilîzî jî hebe.
Fîlmên metrajdirêj, kurtefîlm û belgefîlm ji bo festîvalê têne qebûlkirin. Festîval îsal di navbera 2-3'ê sermawezê de li dar dikeve.