Diyarname
Piştî di "Doza Kobanî" de biryar hatin dayîn û bi sedan salan cezayên hepsê li siyasetmedaran hat birin li ber dadgehê Hevserokê DEM Partî Tuncer Bakirhan axivî.
Bakirhan wisa got, "Îro qirêjeyek reş li dîroka hiqûqa Tirkiyeyê zêde kirin. Di dema ku çete, mafya li meydanan bi erebeyên bi lembeyên çakarîn mirovan qetil dikin serbest in, serbest diğerin, di dema kiryarên kuştinên kiryar nediyar, kiryarên kurdên avêtine bîrên asîtên hatine berdan de, kurd û şoreşger, siyasetmedarên kurd û şoreşger hatine cezakirin. Em van cezayan qebûl nakin, em vê biryarê qebûl nakin. Selahattin Demirtaş, Figen Yuksekdag, siyasetmedarên di Doza Kobanî de hatin darizandin di dilê kurdan, tirkan kedkaran, jinan, ciwanan de beraat kirine; di dilê wan de azad in."
Bakirhan got ku ewê rojek miheqeq hevalên xwe azad bikin û got, "Emê ligel Sehalattinan, Figenan ji bo demokrasiya Tirkiyeyê, ji bo komareke demokratik têbikoşin. Yên ku ev biryar dane bila bizanibin ku ev roj ne dûr e. Em dibêjin emê hê bi biryar têkoşînê bilind bikin û kesên ev biryar dane em wan lanet dikin, em dibêjin em biryara we qebûl nakin."
Hevseroka DEM Parti Tulay Hatimogullari jî got ku li vir komkujiya hiqûqê çêbûye û got, "Li vir derbeyeke hiqûqê çêbûye, derbeyeke siyasî çêbûye. Hevalên me yên hatine darizandin bêhiquqî û bi neheqî hatiye cezakirin. Wan di wijdanê raya giştî ya dinyayê de beraat kirine."

***

Nûçeya Eleqedar:

- Bi sedan salan cezayê hepsê li siyasetmedarên kurd birîn...