Diyarname

Kovara Bangî Kurd di sala 1914’an de hejmara yekem derxist. Kovara Bangî Kurd ji bo zindîkirina çanda kurdan ya di serdema hikumraniya Osmaniyan de bû. Tenê 5 meh karî kar bike, lê li pey xwe mîrasek dewlemend yê edebî hêla.

Kovara Bangî Kurd li Bexdayê bi kurdî (soranî) hate derxistin û kovareke mehane bû. Hejmara yekem tam 110 sal berê, roja 8’ê reşemiya 1914’an derket. Edîtor û xwediyê kovarê Cemaletîn Baban bû. 

"Bangî Kurd" kovareke wêjeyî û çandî bû, li ser ziman û ferhengê tiştin têde dihat belavkirin, kêm tiştên siyasî têde hebûn.

Edîtorên sereke yên kovarê Cemal Baban û Şukrî Fazil bûn. Nivîsên helbestvanên wekî Zêwerî û Arif Saîb di kovarê de dihatin belav kirin. 

Cemal Reşîd Ebdula Beg yê bi nasnav Cemal Baban ku bi xwe edîtor û rêveberê kovarê bû, di sala 1914’an de wekî leşkerekî Osmaniyan tevlî Şerê Cîhanê yê 1'em bû. Ew ji aliyê îngilizan dîl hat girtin û ew şandin Hindistanê. Di sala 1929’an de vegeriya Bexda û wekî dadwer kar kir.

Kovara Bangî Kurd tenê 5 hejmar derket û piştî 5 mehan hat girtin.