Diyarname

Festîvala Çand û xweza ay Mûnzûrî emsar rey 21'inan virazêna. Festîvale 3'yê aşme dest pa kerd û 6'ê aşme temam bena.

Henî notê hîrê rocan bi eno awa yê:

- 3'yê aşme de şande de konsero verîn pêşkêş kerd. Hunermend Ulaş Delî, Mûsa Bakî, Erdal Erzîncan, Mengene, Metîn-Kemal Kahraman, Hakely Feat, Ensenble Kubafonica konser de veciya vernî temaşekeran. Verî konserê Serokê Federasyoney Komeleyanê Dêrsime (DEDEF) Ozkan Tacer serê qedexey komanê zey Grup Yorum, Grup Îsyan Ateşî de vindert û qedexekenrdişê enî koman hetê walî Dêrsime ra şermezar kerd.

PERTEG: Pertag jî konser bibîbî. Ewca Diyap Aga, Ozlem Bîter, Hasan Alî, Grûp Vardiya, Cem Erdost Îlerî, Mîkaîl Aslan, Tara Mamedova, Cevdet Bagca û Baba Zûla veciya serê sehnî û konser day.x

PULUR: Di konserê Pulurî de jî Mûrat Akar, Serhat Şamderelî, Koroya Venge Ma, Vedat Gundogdû, Şîrîn Demîrtaş, Alî Haydar Guçlu, Jara Çîmen, Harûn Gumuş û Zeynep Bakşî Karataş konserê xwu pêşkêş kerdî.

VENGÊ KIRMANCKÎ

-4'ê aşme Kolanê Hunerî de konserê bi namey “Ber Be Ber Kilamê Kirmanciye” viraziya, Usenê Pardiye, Delîl Xidir, Hêlîn Erenler, Ozan Yagan, Lîzge Karabûlût, Husnu Gungor û Koroy Zarokan ay Şaredariya Dêrsimê bi kirmanckî dêrî vatî.

 4'ê aşme şande Meydanê Seyîd Riza de konser hame viraştişî. Bi seyan tenî ro konserî temaşe kerd. Koroy Şaredarî Dêrsime, hunermend Raber Dîler, Ceren Aytaç, Hidir Bakir, Sena Dêrsim, Pinar Aydinler û Enver Çelîk veciyay serê sehnî û dêrî vatî. 

'WA PAŞTÎDAYIŞÊ QEYBÎ ROJNAMEGERAN ZÊDE BIBO"

- 5'yê Aşme bi namey "Azadiya Çapemenî û Medya" panêlêke vizariya. Panelo ke Kuçey Hunerî de hame viraştişî moderatorê cê Caner Aktan bî. Rojnameger Îbrahîm Varli, Ceyda Karan, Fatîh Polat û Fatîh Yaşli tede xeberî da. Gerînendey Weşane ê Evrenselî Fatih Polatî serê girotişê rojnamegeran de xeberî da û vat ke Edîtorê Ajansê Mezopotamya (MA) Abdurrahman Gok û hevalê ê 100 rocî yo giroteyê. Polatî vat ke gere paştîdayişê qeybî rojnamegeran zêde bibo.

KONSER

-5'yê aşme şanke konser hame viraştişî. Koroy Tûtan ay Behzat Fîrîk, Alî Aslan, Zeynep Kiliç, Şenol Akdag, Şevîn Hasdemîr, Taylan Yildiz, Dogan Çelîk û Grûp Vardiya veciyay serê sehnî û dêrê xwu vatî.