Diyarname

Festîvala Çand û Xwezayê ya Mûnzûrê îsal di navbera 3-6'ê gelawêjê de li dar dikeve. Îro bernameya festîvalê hat eşkere kirin.

Festîvala Çand û Xwezayê ya Mûrzûrê îsal 21'emîn car li dar dikeve. Komîteya amadekar a festîvalê îro li Şaredariya Dêrsimê bi daxuyaniyeke bernameya festîvalê eşkere kir. Festîvala îsal bi duruşma "Li dijî talankirina madenan û xwezayê em jiyanê diparêzin" li dar dikeve.

Şaredarê Dêrsimê Fatîh Mehmet Maçoglu got ku wan hemû serîlêdan kirine lê tu bersiv negirtine, lê ew bawer in dê festîval li dar bikeve.

Serokê Federasyona Komeleyên Dêrsimê (DEDEF) Ozkan Tacar jî got ku em bang li hemû dêrsimî û dostên Dêrsimê dikin ku beşdarî festîvalê bibin. 

Piştî axaftina bername hat eşkere kirin. 

Va ye ew bername:

3 Gelawêj:

- Festîval bi axaftina Şaredarê Dêrsimê Fatîh Mehmet Maçoglu û Parlamentera Dêrsimê ya Partiya Çep a Kesk Ayten Kordû wê dest pê bike / Saet 13.00

- Panel: Elewîtî û Dewlet, cih: Kolana Hunerê bi ser navê "Elewitî û Dewlet" (Saet 14.00)

- Panel: "Ji bûyerên xwezayî ber bi kerasetê ve: Erdhej!" (Saet 17.30)

- Destpêkirina Pêşangeha Wêneyan, Cih: Sûka Binerd (Saet 19.00)

- Lîstika Varvara-Simsime, Cih: Qada Seyîd Riza (Saet 19.00)

- Konser: Erdal Erzîncan, Grup Yorum, Metîn-Kemal Kahraman, Ulaş Delî, Mûsa Bakî, Mengene, Hakely feat. Ensenble Cubafonica (Koma Muzîkê ya Kubayê) (Saet 19.00)

- Nîşandayîna belgefîlm: "Domane 38", Cih: Sûka Binerd  (Saet 21.00-22.00)

4 Gelawêj: 

- Panel: "Pêşketinên Siyasî û Rojevî", cih. Kolana Hunerê (Saet 13.00)

- Muzîk: "Ber be ber kilamê Kirmanciye", cih: Kolana hunerê (Saet 17.00)

- Lîstika Koma Şanoyê ya Şaredariya Dêrsimê "Karmend". Cih: Qada Seyît Riza (Saet 18.45)

- Konser: Koma Îsyan Ateşî, Pinar Aydinlar (Saet 19.30)

- Nîşandayîna kurtefîl û belgefîlm: "Xo Vira Meke" (derhêner Ugur Yeşîl ), "Dest nede Dêrsimê" (derhêner-rojnameger Huseyîn Yaşar Sezgîn). (Saet 20.00-21.30)

5 Gelawêj:

- Li Pulurê serdana Qada Madenê ya Cevîzlîderê (Saet 11.00)

-Panel: "Geşedanên siyasî, azadiya çapemenî û medyayê" (Saet 17.30)

- Lîstika şanoyê. Cih: Qada Seyîd Riza (Saet 17.00- 19.00)

- Konser: Grup Vardiya, hunermendên herêmî. Cih: Qada Seyît Riza (Saet 19.30)

- Fîlm: "Zonê Ma Koti yo". Cih: Sûka Binerd (Saet 21.30-22.30)

6 Gelawêj:

- Panel: “Li Dêrsimê hilberîn, pirsgirêkên aboriyê û pêşniyarên çareseriyê”. Cih: Kolana Hunerê (Saet 13.00)

- Mîkrofona serbest a jinan. Cih: Kolana Huner (Saet 15.30)

- Lîstika Zarokan. Cih: Parka Mamekî (Saet 19.00)

- Konser: Hasan Alî, Pervîn Çakar, Yilmaz Çelîk, Grup Munzur, Zeynep Bakşî, Apolas Lermî. Cih: Qada Seyît Riza (Saet 19.30)

Li aliyê din amadekarên festîvalê diyar kirin ku li navçeyan jî dê çalakiyên wekî panel, konser bêne li dar xistin.

**

Nûçeya Eleqedar:

- Dîrokey Festîvaley Mûnzûrî eşkera bî 

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.