Diyarname

Festîvala Xoza û Çande ay Mûnzûrî emsar 21'în rey virazêna. Emsar di miyanê rocanê 3-6'ê tebaxî de festîvale virazêna.

Komîteya hedrekerdoxey festîvale Şaredarî Dêrsime de daxuyanî da çapemenî. Serokê DEDEF'î Ozkan Tacar serê namey komîte de xeberî da. Ê vat ke 2'yê aşme go Qisle (Nazimiye) de Duzgun Baba vîr biyarê û dimara go festîvala dest pa bikero.

Gorey vatişê Tacarî ra serê bawerî elewî, rewşa newî ay siyasî, meselay pîrekan, zelzele, ziwanê zikmakî de got çalakî, panel û atolyey bêrê viraştişî. Reyna ê vat ke serê çand, huner, wêje û muzîkî de go atolyey viraziyê û her şande zî go konserî bibê. Tacarî veynda her kesî de bêrê festîvaley înan.