Diyarname
Lîstikvanê navdar Russel Crowe niha xwe amade dike ku di fîlmekî nû de dê rola Nuh Pêxember bilîze.

Paramount Pictures û New Regency Productions piştî nîqaşeke dûdirêj ku bi meha dom kir biryar da ku di fîlmê derhêner Darren Aronofsky "Noah" de Russel Crowe bilîze.

Fîlmê ku ji Tewratê li gor beşa 'Tekvîn' (Afirandin) tê sazkirin, Nuh Pêxember ji bo ji bahozê xilaz bibe keştiyê saz dike. Di fîlm de jî dê wisa bê kirin û kişandina fîlm di meha tîrmeha îsal de li Îzlanda û New Yorkê li dar dikeve. Tê plankirin ku di adara 2014'an de fîlm bikeve vîzyonê. Rola Pêxember Nuh dê Russel Crowê navdar bilîze.
Derhênerê fîlm Darren Aronofsky heta niha gelek fîlm kişandiye. Wî di sala 1998'an de bi fîlmê "Pi" li Festîvala Fîlman a Sundanceyê Xelata Derhênerê Herî Serketî girt. Par jî bi filmê xwe "Black Swan" bûbû berendamê Xelata Oscarê. Wî xelat negirt lê lîstikvana wî Natalie Portman Xelata Oscarê girt. Black Swan li gelek festîvalan xelat girtibû.
Lîstikvan Russel Crown di sala 2000'î de bi lîstika xwe ya di fîlmê "Gladyator" de Xelata Lîstikvanê Herî Serketî ya Oscarê girtibû.