SILÊMANÎ

16'ê mehê li Salona Diyalog a Dezgeha Medyaya Çavdêr ya Bajarê Silêmaniyê, semînerek ji bo nivîskar û parlementerê berê yê Parlementoya Herêma Kurdistanê Ferhat Sengawî hat li dar xistin. Semîner bi navê ‘Baldariyek ji çanda  kurdî’ li dar  ket û Senfgawî bi xwe wekî axifger beşdar bû.

'EM KIRINE DIJMINÊ FERHENGA XWE'

Li gor nûçeya Rojnewsê, Ferhat Sengawî di semînerê de behsa çendîn têgehên ku ji aliyê neteweyên din ve di çarçoveya qirkirina ziman û çandî ya dagirkeriyê de hatibûn xirab kirin, hatin rastkirin û ji têgeha kurdî re hatin vegerandin. Sengawî  wiha axivî; “Sê zaravayên me yên serekî hene ku ew jî kurmancî, soranî û goranî ne û di nava van her sê zaravayên mezin de gelek devokên cuda hene ku dewlemendiya ferhenga kurdî nîşan dide. Em gelek in ku dijmin û dagirkerên welat û gelê me, em kirine dijminê dîrok, çand, ziman û ferhenga xwe. Di vê çarçoveyê de dijminan dîroka me ya şeş hezar salan serûbin kiriye.”

'EM HUNERA XWE LI ŞÛNEWARÊN RESEN VEGERÎNIN'

Sengawî balkêşand ser vegerîna li xwe ya gelê kurd û wekî çareseriyek ya ji bo rastkirina ferhenga kurdî ya hatiye xirabkirin û wiha dom kir, “Divê gelê kurd li dîroka xwe ya borî vegere, da ku bizane di nava şeş hezar salan de tiştên ku gelê kurd hilberandine çima niha me tunekirine. Bi heman awayî em huner, çand, ferheng, ziman û şûnewarên xwe yên resen vegerînîn ser nasnameya xwe ya neteweyî. Eger em venegerînîn û di jiyanê de bikar neynîn, wê winda bibe û bi demê re wê tune bibe.”

Dûre Sengawî bersiva pirsên beşdaran da.