Diyarname
Wezîrê Karên Hundir ê berê yê Tirkiyeyê Mehmet Agar ji bo du salan cezaya xwe ya hepsê ya ji Doza Susurlukê bikişîne dikeve hepsa li Yenipazara Aydinê. Ev e wêneyê hepsê, lê ji hepsê wêdetir dişibe vîllayekê.

Piştî ku 5 salan cezayê hepsê li Agar birîn û ev ceza daxistin du salan ji bo li hepseke vê cezayê xwe bikişîne jêre li girtîgeheke geriyan. Di dawiyê de ev girtîgeha li Yenizara Aydinê guncan dîtin. Di girtîgehê de dest bi restorekirinê kirin û girtiyên di girtîgehê de jî şandin girtîgeheke din.

Malbata Agar li Bodrumê dijî û ev girtîgeh nêzî Bodrumê ye. Li Pozantiya Edeneyê zarokên girtî piştî rastî şîdetê, destlêdanê hatin û mijar derkete holê ew şandin girtîgeha Enqereyê ku ji malbat û parêzerên wan dûr e. Û ji ber feqîrî malbat nikarin herin zarokên xwe bibînin, lê ji bo Agar girtîgeha herî nêz a ji bo malbata wî dîtin. Ku ev girtîgeh ji girtîgehê wêdetir dişibe vîlayekê.

Di girtîgeha Yenipazarê de 4 qawîş û 2 hucreyên disîplînê hene. Di girtîgehê de ji bo jin û zarokan beşên cuda, pirtûkxane û salona konferansê lê heye. Di girtîgehê de cihê 42 kesan heye lê 60 girtî têde diman.

Rayedaran gotin ku deh roj berê dest bi restorekirina girtîgehê kirin û girtiyên li vê derê şandin girt"igehek din.
Nahêlin rojnameger nêzê girtîgehê bibin û dîmenan bigirin, ew jî ji dûr ve dîmenan dikişînin.

Ji Ntvmsnbc hatiye girtin û ji nû ve hatiye sazkirin