Diyarname

Derhêner Mustafa Orman bi navê "Dengê Radyoya Rewanê li ku ye?" belgefîlmekî kişandiye. Belgefîlm di çarçoveya Documentaristê de li Stenbolê hat nîşandayîn.

16'emîn Rojên Belgefîlman a Stenbolê Documentarist heta 15'ê mehê didome. Di vê çarçoveyê de êvara 10'ê mehê belgefîlmê bi navê "Dengê Radyoya Rewanê li ku ye?" hat nîşandayîn. Belgefîlm li gundên Qersê berê xwe dide kurdên ku bi dengê radyoya Êrîwanê  mezin bûne. Bi vê yekê heyecan, bîranîn, sohbet, hatina ba hev û civata wan radixe ber çavan.

Di belgefîlm de gelek klamên ku ji Radyoya Erîwanê li seranserê nav civata kurdan belav bûne hatine bikaranîn ku di belgefîlm de ev cihek berfireh digire.

Di vê serdema ku derfet nîn in de hebûna radyoyê di belgefîlm de bi heyecanek mezin xwe dide der.

Di Documentarist de bi giştî derhêner piştî nîşandayîna berhemên xwe derdikevin pêşberî temaşevanan û sohbetê dikin, lê derhêner Mustafa Orman ji ber ku ne li Stenbolê bû, nehatibû. Orman peyameke şandibû bo Documentaristê. Orman di peyama xwe de sipasiya Documentarist û temaşevanan kir û wisa got, "Radyoya Erîwanê rastiyeke dîrokî bû; ku min xeyala wê kiribû lê min beşek jê kişandibû belgefîlm. Ezê bikim ku xeyala xwe ya mayî jî bikişînim. Radyoya Erîwanê ji bo gelê kurd destjê berdan bûn. Çima destjêberdan? Ji ber ku wê demê mirovan hespê xwe yê herî xweşik, erdê xwe yê herî bi berhênan ji bo kirîna radyoyek difirot. Ez jî wekî hem nivîskar, hem kesê yekem belgefîlmê xwe kişandiye min xwest bibim dengê wê destjêberdanê û bi vê yekê deynê xwe yê ji bo gelê kurd bidim."

KUNYE:

Nav: Dengê Radyoya Rewanê li ku ye?

Derhêner Mustafa Orman

Tirkiye, sala 2022, 48 deqe

Ziman: Kurdî, tirkî

Nûçeyên Eleqedar:

- Dema temaşekirina belgefîlman e: Documentaristê dest pê kir 

- Fîlmên 'Ji bo aştiyê dengê jinan' têne nîşandayîn 

- Belgefîlmên kurdî têne nîşandayîn  

-Documentarist li benda belgefîlman e 

**

- Mail: diyarname@diyarname.com    

**

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.