Diyarname
Eyro maçey fînalî ê Lîga Şampiyonan a Ewropa esta. Tîmê îngilîz Manchester City (MC) û tîmê îtalî Inter têdir kay kenê. Tîmo bi ser biko go kûpa bero kê xwu.
Maçey fînalî eyro gorey saetey Amedî ra saete 22.00 de, Stenbol de yena kaykerdişî. Verî maçe dest pa bikero ma bawnê notê wirdî tîman çi mocnenê ra.
Kerem bikerê
QÎMETÊ TÎMAN
- Qîmetê wirdî tîman de MC tewf bi qîmet o. Gorey emsarî ra qîmetê MC'î bi 1.05 mîlyar Euro, qîmetê Interî bi 534.45 mîlyon Euro wo.
LÎGA ŞAMPIYONAN AY UEFA
MC'yî qe kûpaya Lîga Şampiyonan nêgirota, Interî reyke girota (2009-2010)
LÎGA EWROPA AY UEFA
- MC'î tenî serey 1969-70 de reyke kûpaya Lîga Ewropa girota, Interî serey 1963-64 û 1964-65 de di rey ene kûpa girota.
PREMIER LÎG Û SERÎE A
MC di lîgey xwu Premier Lîg de 9 rey biyo şampiyon, Inter lîgey xwu Serîe A de 19 rey biyo şampiyon.
Emsar (2022-23) MC bi 89 pûanî bî şampiyon. Inter di lîgê xwu de bi 72 pûanî lîg zey hîriyin temam kerd. MC'î di lîgê xwu de 94 golî eyştî û 33 golî werdî, Interî 71 golî eyştî û 42 golî werdî.
FA CUP - COPPA ITALIA
- MC'î di kûqaya welatî FA Cup de 9 rey kûpa girot a, Interî zî kûpay welatî Coppa Îtalia de 9 rey ene kûpa berda kê xwu. Tenî ene xale de wirdî tîmî zey yewbîniyê.
STAD
Kapasîney Stadê MC'î Etihad Stadiumî de cay 55 hezar û 17 tenan esto, ê Interî Stadê Giuseppe Meazza de cay 72 hezar û 923 tenî est o.
TEKNÎK DÎREKTOR
Teknîk dîrektorê MC'î Pep Guardiola cinawirê kûpayan o, çiya kûpayke bibo dest erzeno ci. Di muzey ê de şampiyonî lîgê Spanya, Almanya, Îngilistanî estê. Di rey biyo Şampiyonê Lîga Şampiyonan (Barselona de). Tam bi temamî heta enka 36 kûpay girotê de dinya de ew teknîk direktoro diyin o ke tewf zehf kûpay girotê. Guardiola 52 sere wo.
Teknîk dîrektorê Interî 47 sere wo, heta enka 10 kûpay girotê. Kûpaya ê ya pîl e Coppa Îtalîa wa, ke 3 rey girota. Qe nêbiyo şampiyonê lîgê xwu, yan jî lîgêke bîn.
GOLEYŞTOX
MC de Erling Haaland emsar di ligê xwu de 36 golî eyştî û bî golayştoxê sere; di Lîgey Şampiyonan de zî 12 golî eyştê. Inter de
Lautaro Javier Martinez Serie A de 21 golî eyştî, Lîfê Şampiyonan de 3.
KAYKERDOXO VAY
Kaykerdoxo tewr vay ê MC'î Erling Haaland o ke qîmetê cê 170 mîlyon Euro wo, yê Interî Lautaro Martinez o ke qîmetê cê 80 mîlyon euro wo.
Gorey kaykerdişê sere, gorey îstatîstîk û performansê sere ra ana heyseno ke MC go fînal de bi ser biko. La ene zî esta ke maçê fînalî qe eşkera niyê; çimkî haway ewcay, atmosfer, waştişê serkewtişî gorey maçanê bînana ra tewr bedelê no.
***
Nûçeyên Eleqedar:
- MC'yê got: Tîma salê ez im, ezê herim Stenbolê
- Du hunermend di fînala Lîga Şampiyonan de dê konserê bidin
- MC'yê got: Tîma salê ez im, ezê herim Stenbolê
- Guardiola dest bi rêwîtiyek nû dike: Rê ber bi Manchester City ve
- Guardiola 2 serê bînî zî etiya wo
- Guardiola Îngilistan de jî dest eyşt kûpa
- Di 14 salan de 31 kûpa û ber bi lûtkeyê ve
- Li Premier Lîgê Şampiyon Manchester City ye
- Ji ber 'Peyama siyasî' ceza dan Guardiola
.jpg)
